Gjensidige forsikring vart i går dømt til å betale 16 år gamle Jens Wigenstad over 11,6 millionar kroner i erstatning. Wigenstad fekk alvorlege hjerneskader da han sykla på ein bil, og Gjensidige ville i utgangspunktet berre betale rundt 2,5 millionar.
- Lovbrot
- Gjensidige begår jo på ein måte lovbrot i desse sakene, dei er jo pliktig til å kome med full erstatning, og det kan ein ikkje seie at dei gjer her. Det seier regionsekretær i Landsforeningen for trafikkskadde, Karin Bjørnødegaard. Ho peiker på at det berre er ein månad sidan Gjensidige tapte ei liknande sak i Askim.
Bjørnødegård meiner Wigenstad-dommen som kom i går er ei viktig sak for alle som kjempar mot forsikringsselskapet for å få høgare erstatningsbeløp.
- Ikkje kjøp forsikring i Gjensidige
Torsdag gjekk Landsforeningen for trafikkskadde ut på Dagbladet.no og sa at folk ikkje burde kjøpe bilforsikring i Gjensidige, og at selskapet var ein versting i slike saker.
Informasjonsdirektør Øystein Thoresen i Gjensidige reagerer på oppfordringa frå Landsforeningen for Trafikkskadde.
- Dette er å gå alt for langt. Det er ekstremt provoserende å høyre, seier Thoresen til Dagbladet.no.
