I dag kom det fram at tryggleikssystema på jernbanen her i landet
Etter Åstaulykken, der 19 menneske mista livet, fekk alle fjernstyrte jernbanestrekninger automatisk togstopp. Men likevel fryktar Lokomotivmannsforbundet at systemet er så svakt at nye ulykker kan skje likevel.
- Den automatiske togstoppen gjer at det eine toget alltid vil ha låg fart. Men tryggleiksavstanden til det møtande toget er for kort, og det møtande toget kan fortsatt ha for stor fart, seier Jan Even Nystad i Lokomotivmannsforbundet.
Les:
Veit ikkje kor lang tid det vil ta
- Vi kjenner til forbundet sitt syn på saka, og vi gjer noko med det. Vi jobbar systematisk for å hindre at noko slikt kan skje. 20 stader er det allereie bygd såkalla krysningsbarrierer og seks nye vil kome i løpet av kort tid, seier seniorrådgjevar i Jernbaneverket, Jan Erik Kregnes.
Lokomotivmannsforbundet seier til NRK at sikringa av dette anlegget vil ta 20 år dersom arbeidet held fram i same tempo som i dag. Dette blir avvist av Jernbaneverket.
– Det høyres lenge ut. At det skal ta 20 år får dei sjølve stå for, vi reknar med å bli ferdige i god tid før det.
- Kor lang tid kjem det til å ta?
– Det er vanskeleg å seie kor lang tid det skal ta, det tør eg ikkje. Men det vil ikkje ta 20 år, vi er fullstendig klar over problemet, og vil gjere noko med det.
