Logo Sp Senterpartiet

Guovddášbellodaga drámá

Guovddášbellodaga politihkkárat leat riidališgoahtán.

Gii galggai beassat sámediggeráđđái?

Dan geažil dat Guovddášbellodaga sápmelaččat nággejit.

Válgaboađus lei ahte bellodat oaččui golbma sámediggeáirasa:

Nuorta guovllu Elisabeth Erke, Ávjovári Hans Ole Eira, Ávjováris ja Gáisi Svein Oddvar Leiros.

Cecilie Hansen

Cecilie Hansen ovddastii Guovddášbellodaga šiehtadallamiin.

Son olahii soahpamuša NSR:n ja Johttisápmelaččaid listtain.

Nancy Charlotte Porsanger Anti

Nancy Porsanger Anti lei bellodaga sámepolitihkkálaš ráđi nubbijođiheaddjin.

Son doaibmagođii jođiheaddjin go Svein Leiros válljejuvvui Sámediggái.

Šiehtadallanlávdegoddi ja sámepolitihkkálaš ráđđi evttoheigga Leiros:a ráđđelahttun.

Elisabeth Erke

Elisabeth Erke válljejuvvui parlamentaralaš jođiheaddjin.

Ja go bellodaga golbma sámediggeáirasa čoahkkanedje, de evttohii Erke Hans Ole Eira sámediggeráđđelahttun.

Erke ja Eira vuittiga jienasteami.

Svein Leiros, daglig leder Senter for nordlige folk

Maŋŋá sámediggejoavkku jienasteame, de dieđihii Svein Oddvar Leiros sámediggepresidentii ahte ii leat šat ráđdelahttu-evttohas.

Hans Ole Eira (t.h.) ble valgt inn i sametingsrådet. Senterpartiet ønsket imidlertid en annen kandidat.

Golggotmánu 18. beaivve 2021 almmuha Silje Karine Muotka ođđa sámediggeráđi.

Guovddášbellodaga ovddasta Hans Ole Eira, ja iige Svein Oddvar Leiros.

rundballer

Ráđđelahtu nammadeapmi suhttada Frank Valø. Son lea Gáisi Guovddášbellodaga jođiheaddji.

– Erke ja Eira leaba nu sakka rihkkon bellodaga njuolggadusaid, ahte soai ferteba lihccohallot, dadjá Valø.

Son dadjá ahte Svein Leiros dat lei galgat sámediggeráđđái.

Sametingspresident Silje Karine Muotka.

Sámediggepresideanta Silje Karine Muotka čilge ahte Gb:s bohte guokte evttohusa; sámepolitihkkálaš ráđis ja nubbi fas sámediggejoavkkus.

– Nubbi dán guoktás geassádii, ja de nammadin Hans Ole Eira, dadjá son.

bonde

Gáisi válgabiire jođiheaddji Frank Valø moaitá sámediggepresideantta Muotka.

– Son ii váldán vuhtii gean Gb dáhtui lahttun sámediggeráđđái. Muotka lea massimin rehálašvuođa, dadjá Valø.

Statssekretær Nancy Charlotte Porsanger Anti.

Duorastaga lea Guovddášbellodaga sámepolitihkkálaš ráđis čoahkkin.

Jođiheaddji Nancy Porsanger Anti ja eará bellodaga njunnožat, gártet ságastallat mo sii galget čoavdit siskkáldas riiddu.

Váldojearaldat lea:

Lihccut Eira ja Erke - dahje - gávdnat eará čovdosa?