NRK Meny
Normal

Tidenes yngste deltakar til topps: – Dette hadde eg aldri sett for meg

14 år gamle Ole Henrik Isaksen Eira vurderte å vente eitt år med å delta i Finnmarkløpets juniorklasse. I staden gjekk han like greitt heilt til topps.

14 år gamle Ole Henrik Isaksen Eira vurderte å vente eitt år med å delta i Finnmarkløpets juniorklasse. I staden gjekk han like greitt heilt til topps.

– Dette er fantastisk og heilt unikt. Eg hadde ikkje noko mål om å vinne. Målet var ei topp 10-plassering. Men til første sjekkpunkt i Jotka såg eg at eg kunne bli blant dei tre beste. Så eg køyrde på, smiler Eira etter den overraskande sigeren i Finnmarkløpets juniorklasse.

Tidenes yngste

Aldri hadde ein yngre deltakar stått på startstreken i den tradisjonsrike trekkhundeløpet. Og Eira innrømmer glatt at han i utgangspunktet hadde tenkt å vente til neste år med å delta.

– Eg er jo ung enno. Eg kunne fort ha venta eitt år, seier 14-åringen.

Det var klokka 13.54 han kom i mål som førstemann i Alta sentrum, fem minutt framfor sølvvinnar Solveig Kristine Kvam og ein liten halvtime framfor Maria Jøraholmen på tredjeplass.

Eg hadde ikkje noko mål om å vinne.

Ole Henrik Isaksen Eira

– Enorm prestasjon

Stemninga var svært godt då Eira, som opphavleg er frå Kautokeino, men bur i Alta, kom i mål.

– Det var mange blanke auge blant publikum då Ole Henrik kom i mål. Det var rørande, seier dagleg leiar i Finnmarksløpet, Svanhild Pedersen.

Svanhild Pedersen

Dagleg leiar i Finnmarksløpet, Svanhild Pedersen, meiner det var ein enorm prestasjon av Ole Henrik Isaksen Eira å vinne juniorklassen i Finnmarksløpet.

Foto: Rolf Jakobsen

Ho legg til at sigeren var ein kjempeprestasjon av 14-åringen.

– Ole Henrik er jo ein veldig, veldig ung gut. Så dette er ein enorm prestasjon. Han deltek for første gong – som den yngste deltakaren i Finnmarksløpet nokon gong. Av dei 17 deltakarane i denne klassen var det fleire som hadde vore med tidlegare, fortel Pedersen.

Ole Henrik Isaksen Eira kan også kalle seg norgesmeister etter dagens siger.

Det var mange blanke auge blant publikum då Ole Henrik kom i mål.

Svanhild Pedersen