Ein mann i Kjøllefjord blei rundt midnatt pågripen for å utøve vald mot andre familiemedlemmar. Sak mot mannen i 40-åra er oppretta og det er snakk om besøksforbod.
– Vi fekk bekymringsmelding frå ein person, seier Ann Rigmor Søderholm, operasjonsleiar i politiet.
Ho fortel at mange ikkje veit kva dei skal gjere dersom det er vald i nære relasjonar.
• LINK TIL NETTSIDE:
– På nettsida, hvorlite.no, finn folk informasjon om korleis ein skal gå fram i tilfeller med vald i nære relasjonar. Eg vil oppfordre folk om å gi beskjed. Vi i politiet er her for å hjelpe, og ikkje minst førebygge alvorlege hendingar, seier operasjonsleiar Søderholm.
Travel natt for politiet
Fleire stader i fylket rykka politiet ut natt til laurdag.
Klokka 01.00, Hammerfest: Ein mannsperson i slutten av tenåra blei slått ned av to andre gutar. Fornærma blei legesjekka og politiet oppretta sak.
Klokka 02.30, Alta: Rusa mann i 20-åra blei pågripen og sett i arrest. Han var utagerande ovanfor politiet og anmelding blei oppretta.
Klokka 03.30, Vardø: To rusa menn blei køyrt til bustaden sin. Dei blir anmeldt for å ikkje følgje pålegg frå politiet gitt tidlegare på natta.
Klokka 05.00, Hammerfest: Festbråk frå ei privat adresse. Politiet reiste til staden. Dei fekk pålegg om å dempe støyen.
Klokka 05.10, Alta, Politiet fekk melding om festbråk og rydda personar ut frå ei privat adresse.