NRK Meny
Normal

To drammensere hardt skadd i frontkollisjon på E6

To personer er under behandling på Levanger sykehus etter at en personbil og en varebil med campingvogn kolliderte front mot front på Mule i Levanger i Nord-Trøndelag tirsdag morgen.

Frontkollisjon
Foto: Terje Næss

Frontkollisjon Mule
Foto: Terje Næss

Klokka 08.20 fekk politiet melding om ein frontkollisjon på Mule i Levanger like ved gjenbrukstorget. Fire personar var involverte i ulukka, to i kvar bil. To av dei involverte er frå Fauske.

– Den eine mannen frå Fauske var i 20-åra og køyrde personbilen. Han har no blitt fråteke førarkortet, seier operasjonsleiar Rune Reinsborg i Nord-Trøndelag politidistrikt til NRK.no.

To alvorleg skadd

Dei to personane som blei alvorleg skada er ei kvinne i 50-åra og ein mann i 30-åra. Begge to er innlagt for behandling på sjukehuset i Levanger, opplyser Helse Nord-Trøndelag.

Dei to som sat i den andre bilen er ein 34 år gammal mann og ei 59 år gammal kvinne frå Drammen, seier Reinsborg til NRK. Dei er lettare skadd og blir behandla på sjukehuset.

Måtte få hjelp av brannvesenet

Under redningsoppdraget var politiet avhengig av hjelp frå brannvesenet.

– Det blei både klipt og trekt i bilane for å få personane ut. Den fyrste personen fekk vi ut klokka 09.05 og den siste var ute klokka 09.35, seier Reinsborg.

To av personane er alvorleg skadde, seier Kasper Tronstad, politibetjent på staden.

Ifølgje politiet har den eine personen som sett i den blå varebilen alvorlege brotskadar. Dei kan ikkje seie noko særskilt om skadane til dei andre to involverte, men viser til det faktum at det er 70 km/t på staden.

Store materielle skadar

Det er store materielle skadar på begge bilane som var involverte i ulukka, og det blir no gjort bilberging på staden. Brannvesenet starta ryddinga klokka 09.04.

– Den eine bilen med campingvogn hadde størst skadar, seier Nikolay Vatne ved 110-sentralen i Nord-Trøndelag.

SJÅ INTERVJU MED POLITIET PÅ ULUKKESSTADEN:

Fire personar er frakta til sjukehus etter at ein personbil og ein varebil med campingvogn kolliderte front mot front på Mule i Levanger.