– Det blir ikkje snakk om noko proteinshake eller kosttilskott. Eg nyt heller ein pizza og ei øl, seier den blide verdsmeisteren. For tre år sidan hadde ho knapt løfta ei vekt.
Stolt over å ha blitt verdsmeister etter det som byrja med eit ønske om å komme i form.
Foto: PrivatMarit Pettersen ønska å komme i litt betre form og kanskje miste ein kilo eller to. Så kom ho i kontakt med Brynjulf Svorkmo, som skulle bli hennar personlege trenar. Han såg fort at det både var talet og arbeidsdisiplin i Pettersen.
– Å løfte tungt gir meistringskjensle
– Marit var friluftsmenneske, men ønska å jobbe litt med forma. Ho har ein sterk arbeidsmoral og har jobba knallhardt for suksessen, seier Svorkmo på telefon frå Finland. Det er der verdsmeisterskapen i styrkeløft blir arrangert.
Marit Pettersen er allereie norsk mester i klassisk styrkeløft. No er ho verdsmeister i si veteranklasse.
Foto: privatI klassa veteranar 60–69 år utklassa Marit Pettersen konkurrentane. Det blei konkurrert i tre greinar: Markløft, benkpress og knebøy. Der presterte ho 137,5 kilo, 57,5 kilo og 100 kilo. Det vart det ny norsk rekord i klassa og viktigast: Ho vart verdsmeister i sin aller første internasjonale konkurranse.
– Det å løfte tungt gir ei herleg meistringskjensle. Det krev mykje trening, men eg anbefaler alle vaksne kvinner å trene styrke. Det gir kraft og hindrar skadar, seier drammenskvinna som har som mål å auke sine personlege rekordar.
Før ho tar turen ut på byen i Finland for å feire sin førebels første internasjonale medalje. I gull.
