Både politikarar, skulefolk og skuleelevar synest forslaget om å kutte sidemålsundervisninga i skulen, og la offentleg tilsette bruke den språkforma dei sjølve ønskjer, vil vere øydeleggande på nynorsken.
Senterpartordførar Ivar Brevik i ein av Buskerud sinr tre nynorsk-kommunar, Ål, meiner forslaget er eit klart valkamputspel frå Høgre si side.
Vil forsvare nynorsk
- Eg ser på dette som ein måte å gjere seg lekker for veljarane på, slik Høgre gjer på veldig mange område, seier Brevik.
Brevik er ordførar og tidlegare lærar i ein nynorskkommune. Han meiner det har sine klare fordelar å vekse opp i ein kommune med nynorsk.
- Eg meiner dei får eit breitt grunnlag for si språkutvkiling, og har ingen problem med å forsvare det nynorske skriftspråket, seier Brevik.
