Prøv deg på dei nye norske orda

Pulled pork har blitt heilt vanleg å sjå på norske restaurantmenyar. Kva slags norsk ord meiner Språkrådet me kunne ha bytta det ut med?

Ein ville jo ikkje få «spoila» kva som skjer i dei neste episodane i favorittserien om du ikkje har sett dei. Derfor treng podkastar som «Game of Thrones-podkasten» ein spoiler-alert som åtvarar. Dei har også prøvd seg med det norske avløyserordet. Har du høyrt det?

«Alle» brukar 4G på mobilen i løpet av ein dag. Og ofte må ein vere påpasseleg på å slå av «roaming» når ein er i utlandet. Men kva norsk ord meiner Språkrådet me kan bruke?

Nokon er flinkare til å multitaske enn andre, altså å gjere fleire ting eller oppgåver på ein gong. Som å sjå TV, gjere lekser og lese bok samtidig. Kva kan eit godt norsk ord for det vere?

Cottage cheese har blitt svært populært som eit eige måltid i seg sjølv eller noko ein brukar for å piffe opp andre måltid. Dei fleste brukar nok det engelske ordet, men finst det eit like godt norsk ord?

Body er eit veldig innarbeidd namn i babykledeverda. Det er ikkje sikkert du har tenkt på at det er eit engelsk ord ein gong. Men Språkrådet har også har eit avløyserord dei meiner kan passe på norsk. Klarer du å gjette kva?

Sminkebagar er full av engelske ord. Lipgloss er berre eit av dei. Finst det eit betre norsk ord?

Eit nytt engelsk ord som har gått rett inn på norske hamburgermenyar. Kva vil Språkrådet at du skal bestille saman med plukksvin?

Familien Ingebrigtsen brukar store delar av tida si i tronge og tettsittande tights. Kva slags ord vil Språkrådet heller at dei raske brørne skal bruke om beinkleda sine?

Da Øystein Bråten tok OL-gull i Pyeongchang i fjor kalla han sjølv og alle andre skia hans for «twintip-ski». Det er nok det dei unge i bakken kallar skia med tupp både framme og bak også, men Språkrådet har eit anna forslag. Kva?