Lovleg graffiti og gatekunst var eit prøveprosjekt Drammen kommune sette i gang i februar 2014.
Kultursjef i Drammen kommune, Tone Ulltveit-Moe er stolt over å teste prøveprosjektet ut i stor skala. Ho er i Drammen hamn for å opne opp for graffiti i stor skala.
– Dette gjer vi for å la kunstnarane breie seg ut i god luft med god plass.
– Det er ikkje så lenge sidan denne gjengen vart kjeppjaga rundt fordi dei spraya på veggane?
– Nei men no vel vi å sjå vekk frå det. No ser vi moglegheitene, og nyttar den toårige prøvetida politikarane har vedteke til å teste ut graffiti her. Vi håper veggen blir ein stad folk reiser til for å kike, seier ho.
Lerretet kunstnarane har til disposisjon kan trygt seiast å vere stort.
Foto: Raymond Dalen / NRKVil vise seg fram
Joakim Steen Eggum klør i fingrane etter å hente sprayboksane frå bagasjerommet i bilen.
– Dette blir kjempespanande. Vi gler oss alle saman. Dette blir Noregs største opne vegg. Her er alt vi treng, vegg, søppelbøtter og god plass. No skal vi vise folk i Drammen kor bra det kan bli. Vi håper at det etter kvart kjem både kjente norske og utanlandske kunstnarar.
Allereie i dag blir dei første sprayboksane tømt over Noregs største utandørs lerret.
Frå ulovleg til velkommen
Det er satt ut søppelbøtter for å hindre rot ved Noregs største graffitivegg.
Foto: Raymond Dalen / NRKVeggen vil vere godt synleg frå Svelvikveien, særleg når lauvet fell frå trea til hausten.
Assisterande hamnedirektør i Drammen Ivar Vannebo har latt kunstnarar frå heile landet bruke veggane på fleire av lagera. Dei er ikkje mykje å sjå på frå før.
– Vi har ein eigna vegg her på skur tre og fire på totalt 150 meter. Tidlegare har det vore ulovleg tagging her, men no kan kunstnarane få lov å lage fine verk. Vi håper dei har ein intern disiplin som gjer at resultatet blir bra, seier Vannebo.
