Påsketur. Ingenting er som påsketur...
Regjeringa har no løyvd 2,7 millionar kroner til tiltak spesielt retta mot bransjar i Buskerud som er sterkt råka av omlegginga av arbeidsgjevaravgifta. Buskerud fekk tidlegare i år 15 millionar kroner til næringsretta utviklingstiltak generelt.
Totalt har Regjeringa sett av 510 millionar kroner i 2004 til ein særskilt næringsretta innsats i dei områda av landet som er omfatta av omlegginga.
I Buskerud skal midlane nyttast til tiltak innanfor reiselivsbransjen. Det blir lagt opp til at midlane skal setjast av til vidare planlegging og gjennomføring av eit større marknadsføringsprosjekt av "Fjell Norge" som reisemål. Prosjektet vil kunne involvere fleire fylke utover Buskerud.
Regjeringa vil også for 2005 følgje opp innsatsen med løyvingar til næringsretta utviklingstiltak.