Politikarane i Drammen ønsker at byen skal bli bilfri. Det er eit strengt regime rundt det å ta med bilen inn til sentrum.
Men i desse dagar sitt dei som skal sørge for at vi parkerer lovlig streikevakt ein heilt annan stad.
Kontrollerer færre
Ved den kommunale bedrifta Drammen Parkering er dei aller fleste parkeringsvaktene i streik.
– Vi vil ikkje offentliggjere kor mange parkeringsvakter som vanlegvis er på jobb, men det er klart at vi kontrollerer færre parkerte bilar no når det er streik, seier dagleg leiar i Drammen Parkering KF, Claus Mølbach-Thellefsen.
Det kommunale parkeringsselskapet har nokre få uorganiserte parkeringsvakter og er difor ute for å sjekke betalingsviljen blant bilistane kvar dag.
(Artikkelen fortsetjer under bilete)
Les også:
– Plutselig er streiken over
I sentrum står Kristin Magnor og Sigrun Bjerve og klør seg i hovudet.
– Vi bør vel betale uansett? Plutselig er streiken over, parkeringsvaktene har fått dobbel lønn og så springer de glade og fornøyde ut i gatene for å ta igjen det tapte. Nei, det er best å betale!
I samme gate kan vi sjå mang ei bilrute fri for bevis på lovleg parkering.
I andreetasjen hos Drammen Parkering står kontora tomme. Den største konsekvensen av streiken er at søknader om parkeringsdispensasjoner og handikapkort ikkje blir handsama.
Det er altså ingen som får svar på spørsmåla sine i desse dagar.
Les også: Nye møter i løpet av dagen
Lovtru
Ved bilen sin står John W. Olsen klar til å køyre vidare.
– Sjølv om det var ingen som sjekka parkeringskvitteringa mi i det heile tatt så ville eg betalt uansett. Kommunen skal ha sine inntekter, og det er bra at det blir haldt et minimum av orden i parkeringa, seier han.
Nordmenn er i det store og heile eit lovtru folk.