På Utøya møtte Pracon gjerningsmannen tre gonger, men overlevde. I ni månader undra han seg kvifor nettopp han fekk leva, medan 69 av hans meiningsfeller måtte døy på Utøya.
Svaret frå Breivik fekk han i slutten av april, då tiltalte på eige initiativ bad dommarane om lov til å kommentera episoden. Forklaringa Breivik gav, var at han
, og at den 21 år gamle fylkessekretæren i Telemark AUF minte han om seg sjølv.Då Pracon inntok vitneboksen fredag, nytta han høvet til å Breivik og retten om sine tankar rundt denne forklaringa.
– Det kom som eit sjokk på meg. Eg er ingenting av det han representerer. At han ser noko så grusomt i meg vil eg ikkje ta meg nær av ein gong, sa Pracon.
I retten skildra Pracon korleis han oppleve blodbadet på Utøya, og sine oppfatningar av gjerningsmannen.
Såg Breivik visa kjensler på Utøya
Etter eit mislukka forsøk på å prøva å symja frå øya, gøymde han seg i vasskanten på Sørspissen.
– Eg såg han visa kjensler éin gong, det var sinne. Han står på ein stein og ser utover vatnet før han begynner å ropa «eg skal drepa dykk alle». Han blei raud i andletet og stemmen nesten sprakk.
– Det var tunnelsyn. Ein ting: Eliminera og det var det, la Pracon til.
Brått snudde Breivik seg mot Pracon, som stod med vatn opp til hoftene i våte klede, andpusten etter forsøket på å symja vekk. Det var 5-6 meter avstand mellom AUF-aren og gjerningsmannen.
– Eg ropar mot han "nei, ikkje skyt." Han lyfter geværet, leggjer det inn til kinnet og siktar på meg. Alt eg greidde å tenkja på var korleis familien min ville ta det. Eg var overbevist om at eg skulle døy. Eg hadde ikkje pust i lungene til å gjera noko som helst. Alt håp var ute.
Breivik: - Det var ikkje sinne
I det det verkar som om han skal til å trekkja av, så forsvinn han utan eit ord, ifølgje Pracon.
– Eg kollapsa etter det. Det var ei påkjenning utan like. Eg måtte nesten kjenna etter om eg var i live. Noko døydde litt inni meg.
Etter at Pracon var ferdig med vitnemålet sitt fekk Breivik høve til å kommentera opplysningane om at han skal ha vist kjensler.
– Det var påstandar om at eg kom med utrop. Det har eg ikkje verifisert i politiavhøyr, men når han (Pracon; journ.merk.) seier det, så hugsar eg det. Det var korkje emosjonar eller sinne. Det var eit kalkulert psykologisk åtak for å prøva å demoralisera dei symjande, slik at dei skulle drukna.
Det var litt risting på hovuda blant bistandsadvokatane då Breivik kommenterte. Pracon valde å bli ståande i vitneboksen medan tiltalte snakka, og såg rett på han.
– Tragedien har kosta meg dyrt
På eit seinare tidspunkt kom likevel Breivik tilbake til Sørspissen og losna skot mot mange som gøymde seg der - også mot Pracon.
Eitt av skota trefte han i skuldera. Pracon har vore gjennom fleire operasjonar. Han går også til psykolog og seier han har vore mykje redd og skeptisk etter massakren.
– Denne tragedien har kosta meg dyrt. Eg greier ikkje ta vare på familie og vener. Eg er oppteken av å komma meg tilbake på beina att, sa Pracon til dommarane i Oslo tingrett fredag.
- LES OGSÅ: Pracons bok om Utøya trekkes tilbake