Dá leat vuogit movt sáhtat čiŋadit sámi álbmotbeaivvi jus dus ii leat gákti! 😃
– Lea álot fiinnis coggat eaŋkalis čuvlla maid čiŋahat čáppa soljjuin, lohká Kajsa Kvernmo.
Anne Margaretha Oskal rávve ođasmahttit biktasiid vai šaddet veahá sámi movtiidahtton, omd. goarrut biktasiidda čikŋabáttiid.
Oskal rávve maiddái geavahit riesathisliinni čeabetliidnin dahje čuolbmat dan oaivvi birra de go vuoktasoddjin.
Sáhtat maiddái vuoidat sámileavgga čalbmeluomaide nu go Renate Lindseth.
Dahje daga nu go Risten J Buljo, son goarui glássaliinnis báiddi.
Buljo lohká «Vipps glássaliidni šattai sámi movtiidahttun báidin» ja dáinna sáhtat maiddái čiŋadit sámiálbmotbeaivve.
Anne Berit Anti rávve čiŋadit ullo liinnin ja lohká dan loktet buot oarjil biktasiid.
– Almmáiolbmot berrejit eandalii pimpet slipsa ja geahččat movt Ánde Somby dahká, son lea oalle kreatiivvalaš iežas biktasiiguin, lohká Anti.