- Barn har nemleg ein sensitiv smaksperiode - eller det som vert kalla eit smaksvindauge - når dei er mellom 4 og 7-8 månader gamle, seier spesialpsykolog Helle Schiørbeck ved Nasjonalt kompetanse for barn med spisevanskar, Rikshospitalet UiO.

Mat og smakar som vert lansert i denne perioden - treng truleg langt færre introdusjonar før barnet likar - enn smakar som vert lansert seinare.

Amming sunt

I følgje dei nasjonale retningslinene bør barnet fullammast til det er omlag 6 månader gamalt.

- Vi er på ingen måte usamde i det, amming er viktig, understrekar Helle Schiørbeck.

Men alt frå 4 månaders alderen bør spebarn forsiktig bli introdusert til andre smakar enn søtt. Morsmjølk, som dei fleste spebarn naturleg likar, er nemleg i hovudsak søt, medan smakar som surt og bittert må tilvennast gradvis.

- Difor er det viktig at barn også får små-små smaksprøver inn i mellom, kanskje av mat du sjølv sit å et, litt saus, litt mosa grønnsaker, frukt, og anna, seier Schiørbeck.

Maten må sjølvsagt vere mosa og tilpassa barnet sin munn-motorikk. Og reine smakar er å foretrekke:

- I ferdig barnematglas er ofte fleire smakar samansausa i ein mild,uklar smak. Reine, enkelt-smakar er oftast betre å lære, forklarar Schiørbeck.

Allsidig kosthald

Store, engelske populasjonsundersøkingar viser at barn som nettopp får introdusert eit breitt spekter av smakar og konsistens alt før 10 månaders alderen - har eit langt meir allsidig kosthald og færre spisevanskar seinare i livet - enn andre barn som ikkje har fått dette.

- Vi har ant at det er slik, men først no har vi data som endeleg stadfestar kor viktig det er å nytte desse vindauga for smak og konsistens hos småbarn, seier Helle Schiørbeck.