Slik har du aldri sett Saturn

Oisann, innholdet som skulle vises her støttes ikke lenger. Vi beklager!

Storslått kortfilm basert på foto frå NASA-romsondar viser ringplaneten frå si vakraste side.

Filmen til den nederlandske regissøren Sander van den Berg tar oss med på ei fantastisk reise langs Saturns ringar.

– Som å vere der sjølv, kommenterer ein gjest på van der Bergs Vimeo-side.

Basert på stillfoto

Ringplaneten som ligg ufattelege 1,2 milliardar kilometer frå jorda er per i dag eit uoppnåeleg reisemål for dødelege, men tre ubemanna NASA-sondar har besøkt planeten.

Det er utruleg nok berre stillfotografi frå dei tre NASA-sondane Voyager 1 og 2, og Cassini som er råmateriale for van den Bergs film, skriv Huffington Post.

På Vimeosida si forklarar van der Berg at rådata frå Cassini og Voyagersondane i blant inneheld nok bilete som er tatt like etter kvarandre til at han kan lage ein video av det.

Saturnmånen Enceladus - Ispartiklar blir slyngt ut frå sørpolen av Saturnmånen Enceladus i eit bilete tatt 27 mars 2012. Fenomenet blir kalla kryovulkanisme. - Foto: NASA/JPL-Caltech/Space Science Institute /

Ispartiklar blir slyngt ut frå sørpolen av Saturnmånen Enceladus i eit bilete tatt 27 mars 2012. Fenomenet blir kalla kryovulkanisme.

Foto: NASA/JPL-Caltech/Space Science Institute

Voyagersondane som vart skotne opp med ein månads mellomrom i august og september 1977, hadde utforsking av Jupiter og Saturn som hovudmål.

Voyager 1 flaug forbi Saturn i november 1980, medan søsterfarkosten Voyager 2 passerte planeten i august året etter.

Nær tretti år etter, er dei to sondane no i ferd med å nå solsystemets yttergrenser.

Kollisjonar

Dei siste bileta som er grunnlag for filmen, er tatt av romsonden Cassini som nådde fram til Saturn i 2004.

Cassini går i bane omkring Saturn, og vil halde fram med å studere planeten i alle fram til 2017, når programmet etter planen skal bli avslutta.

Romsonden har som mål å studere fleire av Saturns månar som Titan og Enceladus. Mot slutten av ferda vil Cassini fokusere på å studere planeten og ringane i større detalj.

Mens ringane frå avstand ser ordna og ryddige ut, viser bileta frå Cassini at dei i staden er i stadig rørsle og endring.

Små månar og ringpartiklar kolliderer stadig med kvarandre, bølgjer og straumar blir danna og dør ut.

Dette vakre kaoset er blant fenomena vi ser i filmen til van der Berg.

Saturns måne Enceladus - Saturns ringar og månen Enceladus. - Foto: NASA / Scanpix/AP

Saturns ringar og månen Enceladus.

Foto: NASA / Scanpix/AP

Jennifer Lawrences icloud-konto skal ha blitt hacket. - SKYBROT: Nakenbilete av Jennifer Lawrence var overalt på Twitter sundag kveld etter at iCloud-kontoen hennar blei hacka i helga. - Foto: Arthur Mola / Ap

– Kan ikkje klandre iCloud for kjendisbilete på avvegar

Sundag kveld skal over 100 Hollywood-stjerner ha fått hacka iCloud-kontoane sine. Bilete av kjendisane hamna på nettet og spreidde seg raskt. – Sikkerheita til iCloud er god, det er heller brukarane som ikkje er sikre nok, meiner norsk ekspert på informasjonssikring.

Les saken
Hvor brennbar er en bursdag? Eller en laptop i sofaen? Vi tester om gardiner av bomull brenner raskere enn gardiner av polyester og oppdager at den samme madrassen brenner dårligere i England enn i Norge.
Helgelandskysten - under havørnas vinger
Norsk naturserie. Helgelandskysten er et rike bestående av tusen øyer med en helt spesiell fauna. Her skal vi blant annet møte vår største ugle og vår største ørn på nært hold, i sjeldne opptak av familielivet, og ærfuglen - som viktig del av norsk kystkultur. (5:8)
Hvorfor tolererer vi ikke offentlig sinne her i landet? Er det så farlig å være litt sint? Abels Tårn. Talk Radio.