Dominique Strauss-Khan - Den overgrepssikta franskmannen har no gått av som pengefond-leiar. - Foto: POOL / Reuters

Den overgrepssikta franskmannen har no gått av som pengefond-leiar.

Foto: POOL / Reuters

Strauss-Kahn går av som IMF-leiar

IMF-leiar Dominique Strauss-Kahn, som er skulda for seksuelle overgrep, trekkjer seg frå sjefstillinga i organisasjonen.

IMF melder dette på si eiga nettside, IMF.org.

– Eg tenkjer først og fremst på kona mi – som eg elskar meir enn noko anna – borna mine, familien min og venane mine. Dette skriv Strauss-Kahn i eit brev til IMF.

Strauss-Kahn har dei siste dagane vore varetektsfengsla etter å ha blitt sikta for å ha forsøkt å valdta ei kvinne på eit hotellrom i New York City.

Han held framleis fast på at han er uskuldig i sex-skuldingane.

– Eg vil verne om institusjonen som eg har gjort teneste for, og eg vil nytte heile tida mi, styrken min og energien min til å bevise at eg er uskuldig.

Var ønska av politikarar

I går gjekk fleire framståande politikarar ut og oppfordra Strauss-Kahn til å trekkje seg. Blant anna sa USA sin finansminister, Timothy Geithner, at Strauss-Kahn "openbart ikkje var i stand til å styre IMF."

Også anonyme kjelder i IMF har ønska at Strauss-Kahn går av.

Oppsigelsesbrev Strauss-Kahn - Oppseiingsbrevet til pengefond-sjef Dominique Strauss-Kahn vart publisert seint onsdag kveld, amerikansk tid.

Oppseiingsbrevet til pengefond-sjef Dominique Strauss-Kahn vart publisert seint onsdag kveld, amerikansk tid.

Er i gang med å sjå etter arvtakar

IMF vil i løpet av kort tid kome med informasjon om arbeidet med å finne ei ny leiar for organisasjonen. Tradisjonelt har Verdsbanken og IMF veksla på å ha ein amerikansk og ein europeisk leiar.

Sentrale europeiske politikarar har gått ut med ønskjer om at den neste leiaren også skal vere europear.

I mellomtida er nestleiar i IMF, John Lipsky, fungerande sjef for organisasjonen.

Strauss-Kahn var tidlegare finansminister i Frankrike, og det var venta at han ville stille som presidentkandidat i Frankrike. Han var sett på som den kandidaten med størst sjanse til å overta etter Nicolas Sarkozy.

Spesiell overvaking

IMF-sjefen er fengsla på Rikers Island i New York, og han er sett under spesiell overvaking for å hindre eit mogleg sjølvmordsforsøk, blir det opplyst.

Strauss-Kahn skal møte for retten igjen fredag.

Flere utenriksnyheter

Siste saker

Utvalgte dokumentarer

Japansk dokumentar. Kvar og når oppstod det første livet på jorda? Ein stor studie blei nylig starta for å løyse dette store biologiske mysteriet. Forskarane undersøker havområde djupare enn 1000 meter. Hydrotermiske opningar i havbotnen på desse djupa støyter ut vatn med temperaturar over 300 gradar. Teorien er at dette miljøet truleg er nesten det same som da livet blei til på jorda for fire milliardar år sidan. (Deep Sea Expedition - Searching for Life's Origin)
Hassan Dhuhulow kom til Norge da han var en ung gutt. I fjor deltok han i en brutal nedslakting av tilfeldige mennesker på kjøpesenteret Westgate i Nairobi. Minst 67 mennesker døde. Hva fikk Dhuhulow til å reise fra en rolig, norsk småby for å bli terrorist? Når ble han radikalisert? Vi har fulgt i hans fotspor, og møtt ofrene og de etterlatte i Nairobi.
Norsk dokumentar. Førstkommende søndag går 143 millioner brasilianere til valgurnene i den avgjørende omgangen i årets presidentvalg. Kampen står mellom venstresidens kandidat, president Dilma Rouseff, og sentrum-høyre-kandidaten Aecio Neves. Mye står på spill - også for norsk industri, som har investert store summer i Brasil.