To sjølvmordsaksjonar mot matkø i Kohat i Pakistan - Pakistansk politi og redningsarbeidarar på åstaden for det doble sjølvmordsangrepet. - Foto: Naveed Sultan / AP

Pakistansk politi og redningsarbeidarar på åstaden for det doble sjølvmordsangrepet.

Foto: Naveed Sultan / AP

Sjølvmordsbombarar i burka

Minst 41 menneske vart drepne i ein dobbel sjølvmordsaksjon mot eit flyktningsenter i det nordvestlege Pakistan i dag.

Bombene ramma eit flyktningsenter i byen Kohat, opplyser ein lokal tenestemann, Khalid Khan Omarzai. Det er registrert over 60 såra. Dei to sjølvmordsbombarane var kledde i burka.

Den første sjølvmordsbombaren slo til medan folk stod i kø for å få utdelt mat. Den andre sprengde seg sjølv i lufta etter at redningsarbeidet var sett i gang.

- Talet på drepne stig heile tida, seier politisjefen i Kohat, Dilawar Khan Bangash.

Angrepa var retta mot Kacha Pukha-leiren i utkanten av garnisonsbyen Kohat. Det stod rundt 300 menneske i køa då bombene ramma.

FN reknar med at det er rundt 1,3 millionar interne flyktningar i det nordvestlege Pakistan på grunn av kampar mellom Taliban og pakistanske regjeringsstyrkar.

3200 menneske er drepne i sjølvmordsaksjonar i dette området dei siste tre åra. Det er i stor grad Taliban og ulike grupper som er knytte til Al Qaida-nettverket som står bak.

Mykje tyder på at angrepa var retta spesielt mot sjuamuslimar.

Utvalgte dokumentarer

No. dokumentar. Sumaren 1989 opnar grensa mellom Østerrike og Ungarn nokre dagar. Eit ungt par fra Aust-Tyskland, Gundula Schafitel og Kurt-Werner Schultz, bestemmer seg for å krysse grensa med den seks år gamle sonen. Men før dei når fram, har grensa blitt stengd igjen. Når dei likevel prøver å komme seg over, blir Kurt-Werner skoten og drepen framfor Gundula og sonen. Hendinga får store ringverknader, og blir byrjinga på murens fall.
Am. dokumentar. En surrealistisk og utrolig historie om en flyktig kjærlighetsaffære mellom to fiendtlige supermakter på høyden av den kalde krigen. Denne historien kunne blitt slutten på stillingskrigen lenge før Gorbatsjov. Høsten 1959 drar Sovjetunionens leder, Nikitia Khrusjtsjov, til Washington på det han senere beskriver som sitt livs reise. På samme tid bygde vanlige amerikanske borgere tilfluktsrom i hagene sine i frykt for en russisk atombombe. Khrusjtsjov både forførte og skremte amerikanerne på de to ukene han var på besøk. (Khruschev Does America)
Svensk dokumentar. Da den sovjetiske ubåten U137 gikk på grunn utenfor Karlskrona i Sverige i oktober 1981, var det mange detaljer som aldri kom fram i mediene. Nye opplysninger og vitnemål kaster nå nytt lys over hendelsesforløpet.