Rushdie i ny muslim-storm

Den britiske avgjerda om å gjere forfattaren Salman Rushdie til Sir, møter motbør i den muslimske verda.

Pakistanske studentar protesterer mot adlinga av Salman Rushdie.

Det var demonstrasjonar mot adlinga av Salman Rushdie i fleire pakistanske byar i dag.

Foto: Khalid Tanveer / AP

Kilde: NRK-AFP-Reuters

I dag vedtok parlamentet i Pakistan ei fråsegn som tek avstand frå adlinga av Salman Rushdie, med krav om at britiske styresmakter trekkjer utnemninga tilbake .

Tidlegare har Iran gått hardt ut mot adlinga av forfattaren bak "Sataniske Vers".

Iranske styresmakter skulda Storbritannia for islamfobi, same dagen som dronning Elizabeth II slo Rushdie til riddar.

59 år gamle Salman Rushdie måtte leve 10 år i skjul etter at den dåverande eineherskaren i Iran, ayatolla Khomeni, i 1989 utferda ein fatwa om at alle truande muslimar hadde plikt til å drepe den indisk-britiske forfattaren.

Salman Rushdie er slått til riddar i Storbritannia

Salman Rushdie skapar ny storm i den muslimske verda.

Foto: Seth Wenig / AP

Dette på grunn av "Sataniske Vers", som av mange muslimar blei oppfatta som støytande overfor islam.

 I 1998 gjorde iranske styresmakter det klart at dei ikkje lenger ville handheve fatwaen mot Rushdie.

Ein talsmann for det iranske utanriksdepartementet sa i går følgjande:

- Å heidre ein av dei mest forhatte personane i den islamske verda viser Storbritannia si fiendtlege haldning til islam.

Den pakistanske ministeren for parlamentariske saker, Sher Afgan, seier at underhuset i det pakistanske parlamentet  tek fullstendig avstand frå at Salman Rushdie no skal titulerast Sir.

- Vi krev at Storbritannia held seg unna handlingar som sårar muslimar, og at dei trekkjer tilbake adlinga av Rushdie, seier Sher Afgan.

Talskvinne i det pakistanske utanriksdepartmentet, Tasnim Aslam, opplyser at landet vil sende ein formell protest til London.

- Vi fordømer denne avgjerda til den britiske regjeringa om å adle ein forfattar som har provosert og sverta muslimar over heile verda, seier ho.

Religiøse studentar har demonstrert mot avgjerda i to pakistanske byar i dag. Dei brende dukker av Salman Rushdie og bar banner med sterk kritikk av forafattaren og britiske styresmakter.

 

 

 

 

 

Utvalgte dokumentarer

Fransk dokumentar. (It's hard beeing loved by Jerks)
Etter at det franske magasinet "Charlie Hebdo" publiserte Muhammed-karikaturene fra Jyllandsposten i 2006 , ble de stevnet for retten av flere muslimske organisasjoner. Denne filmen, som fikk enorm oppmerksomhet på filmfestivalen i Cannes i 2008, følger rettsaken og ble oppfattet som et massivt forsvar av ytringsfriheten. I dag er den en viktig dokumentasjon på de redaksjonelle valgene som førte til terrorangrepet 7. januar 2015.
Hvordan tjener Vatikanet sine penger og hvorfor finner vi prester anklaget for korrupsjon, hvitvasking av penger og fordekte donasjoner til prostitusjon? Historikeren og forfatteren John Dickie undersøker den katolske kirkes finanser og problemene med å tjene to herrer - Gud og pengene (Mammon).
Br. dokumentar. Dronningens lidenskaper har, ifølge butleren hennes, denne prioriteringen: hester, hunder, mann og barn. Denne dokumentaren viser for første gang det unike forholdet mellom Windsor-familien og deres elskede husdyr. (Royals & Animals)