Santorum 2012 Rick Santorum - Rick Santorum kastar inn handkledet i kampen for å bli republikanarane sin presidentkandidat. - Foto: Gene J. Puskar / Ap

Rick Santorum kastar inn handkledet i kampen for å bli republikanarane sin presidentkandidat.

Foto: Gene J. Puskar / Ap

Rick Santorum trekkjer seg

Den republikanske presidentkandidaten Rick Santorum trekkjer kandidaturet sitt, og seier at hovudårsaka er at dottera er alvorleg sjuk.

Rick Santorum held no ein tale i Gettysburg i Pennsylvania for å offentleggjere at han trekk seg. Han fortel at ein av grunnane til at han trekk seg er at dottera har vore svært sjuk den siste tida.

Vanskeleg veke

– Eg vil takke alle for bønene dei siste vekene. Me har hatt ein vanskeleg veke, dottera vår er svært sjuk og har enda opp på sjukehuset. Men ho er ein fighter, og er komen heim. Men det har gjort at me revurderer kva me vil bruke livene våre på.

– Karen (kona hans, red. anm.) og eg sat ved kjøkkenbordet og prata om kva me ville gjere. Og då fann me ut at det beste ville vere at eg trekkjer meg som presidentkandidat.

Santorum si dotter, Bella, er født med ein alvorleg genetisk sjukdom. Legane sa til familien at ho ikkje ville leve til hennar eittårsdag. No er ho tre år gammal.

– Eg vil takke Gud og dykk alle for å ha hjelpt meg i denne kampanjen, seier Santorum til støttespelarane sine i talen.

Ville ikkje gi støtte til Romney

Rick Santorum har fått flest stemmer i 11 av delstatane som så langt har halde primærval eller valmøte. Han seier at han framleis vil vere involvert i republikanarane sin kamp for å slå Barack Obama.

Dermed er det tre kandidatar igjen i racet om å bli republikanarane sin kandidat: Mitt Romney, Ron Paul og Newt Gingrich.

Ifølgje den førebelse delegatfordelinga er det likevel mest sannsynleg at Mitt Romney er den som vil gå av med sigeren.

Men Santorum ville likevel ikkje gi støtteerklæring til Mitt Romney. Det kan sjåast i samanheng med ganske krasse utsegn mot kandidaten. Han har tidlegare sagt at «Mitt Romney vil vere den verst tenkjeleg kandidaten for det republikanske partiet.»

Gratulasjonar frå motstandarane

Ron Paul sitt valkampteam har kome med denne kommentaren etter at Santorum no trekkjer seg:

«Me vil gratulere Senator Santorum for å ha ført ein god valkamp. Ron Paul er no det einaste ekte konservative alternativet til Mitt Romney. Me vil framleis kjempe hardt for å sikre delegatar, og kjempe for ein avgrensa og konstituell stat under landsmøtet i Tampa.»

Mitt Romney nytta høve til å rose Santorum for å setje fokus på dei riktige sakene.

«Senator Santorum er ein dyktig og verdig motstandar, og eg gratulerer han for kampanjen han har ført. Han har bevist at han er ein viktig stemme i partiet og i nasjonen. Me er begge overtydd om at den viktigste oppgåva er å reversere feilstega som er gjort dei siste tre åra.»

Flere utenriksnyheter

Utvalgte dokumentarer

Mex. dokumentar. En av verdens største byer, Mexico by, må få vann fra nabodistriktene for at de over 22 millioner innbyggerne skal overleve. Dette til tross for at byen ble grunnlagt på en øy i den store Texcocosjøen. Sjøen er nå nesten uttørket. Regntiden kunne vært en redning, men det dårlige vann- og kloakksystemet i byen klarer ikke håndtere de store nedbørsmengdene. I stedet blir mange meksikanske hjem hvert år oversvømt av kloakk. Hvordan kunne denne alvorlige vannsituasjonen oppstå og hva kan gjøres nå? (H20mx)
Br. dokumentar. Malala ble skutt av Taliban fordi hun kjemper for jenters rett til utdannelse. BBC's journalist Mishal Husain møter Malala og hennes familie, som forteller om veien tilbake og drømmen for en bedre fremtid for kvinner.
Fr. dokumentar. For koreanarane er Korea eitt land. Både geografien, folket, språket og kulturen er den same. Kan ein gjenforeining av Sør- og Nord-Korea være mogleg? For fyrste gang fortel både sørkoreanere og nordkoreanere heile historia bak Koreahalvøya. (History of the Korean Peninsula)