Video nsps_upload_2009_5_14_12_36_21_730.jpg - Foto: Nyhetsspiller /

Trykk på bildet for å se video.

Paven i heimbyen til Jesus

Pave Benedikt XVI vitja i dag Nasaret, byen der Jesus voks opp. Minst 50.000 menneske deltok i den utandørs gudstenesta han leidde.

Fleire timar før gudstenesta skulle starte var tribunane fulle av menneske. Mange hadde reist langt for å sjå og høyre overhovudet for den katolske kyrkja.

Gudstenesta vart halden i ein del av Nasaret som blir kalla Mount Precipipe, Avgrunnsfjellet. BIbelen fortel at ein mobb prøvde å kaste Jesus ned frå dette fjellet.

Paven vitja også basilikaen som er reist på staden der ein trur erkeengelen Gabriel openberra seg for Maria og fortalde henne at ho var med barn, også kalla Marias bodskapskyrkje.

Pave Benedikt XVI helsa folkemengda frå "popemobilen". - Paven helsa folkemengda frå Popemobilen. - Foto: AMIR COHEN / REUTERS

Paven helsa folkemengda frå Popemobilen.

Foto: AMIR COHEN / REUTERS

Forsoning

Paven brukte talen sin til å be kristne og muslimar over heile verda til å leggje usemja mellom religionane bak seg, og vere med på å byggje bruer slik at det skal bli mogleg å leve fredeleg side ved side.

Han kom også inn på spenninga mellom kristne og muslimske innbyggjarar i Nasaret. 30 prosent av dei 66.000 innbyggjarane i byen er kristne, medan resten i hovudsak er muslimar.

Planar om å byggje ein moskê like i nærleiken av Marias bodskapskyrkje skapte sinne blant dei kristne i den arabisk-israelske byen. Israelsk høgsterett la til slutt ned forbod mot bygging av ein moskê på denne staden.

Det var tett av folk på tribuinane under gudstenesta i Nasaret. - Det var tett av folk på tribuinane under gudstenesta i Nasaret. - Foto: JONATHAN NACKSTRAND / AFP

Det var tett av folk på tribuinane under gudstenesta i Nasaret.

Foto: JONATHAN NACKSTRAND / AFP

- Alle må ta avstand frå dei destruktive kreftene av hat og fordommar, som tek livet av menneska sine sjeler før dei tek livet av kroppane, sa pave Benedikt XVI blant anna.

Familien

Paven brukte også tid på å prise familien, mor, far og born, og han brukte Maria, Josef og Jesus som eit godt eksempel på det han kalla den heilage familien.

- Vi må styrkje familien si stilling, og vi må verne familien som institusjon, sa han også.

Paven skal også ha samtalar med Israels statsminister Benjamin Netanyahu under besøket i Nasaret.

I går var pave Benedikt XVI på Vestbreidda, der han blant anna leidde ei gudsteneste i kyrkja som er reist på staden der ein trur Jesus vart fødd i Betlehem. Han møtte også den palestinske presidenten Mahmoud Abbas.

Her tok paven til orde for at palestinarane må få ein eigen sjølvstendig stat, som skal leve side om side med Israel.

Minst 50.000 deltok i folkefesten i Nasaret. - Minst 50.000 deltok i folkefesten i Nasaret. - Foto: JONATHAN NACKSTRAND / AFP

Minst 50.000 deltok i folkefesten i Nasaret.

Foto: JONATHAN NACKSTRAND / AFP

(NRK-AFP-Reuters)

Siste saker

Utvalgte dokumentarer

Amerikansk dokumentar. Etter at de amerikanske styrkene trakk seg ut av Irak i 2011, har situasjonen i landet forverret seg. Nå regjerer et utbredt kaos, og USA blir på ny trukket inn i konflikten. Denne dokumentaren ser nærmere på USA sin rolle, fra invasjonen i 2003 til dagens desperate situasjon. (2014)
Britisk dokumentar fra 2014. Oppfølger til "Min bror, islamisten" hvor Robb følger sin halvbror Rich, for å forstå hvorfor han ble en radikal islamist og til slutt endte i fengsel for å ha planlagt terrorhandlinger. I kveld oppsøker Robb blant andre sin brors tidligere trosfeller, "Brødrene". Kan de gi en forklaring på hvorfor Rich gikk fra å være ekstremist til å bli terrorist? (My Brother: The Terrorist)
Br. dokumentar. På busstasjonen i Peshawar skjer det som skjer over heile Pakistan. Unge gutar blir utnytta og mishandla av vaksne menn. I ei undersøking svarte 95 prosent av sjåførane at å ha sex med smågutar, var det dei helst dreiv med i pausane sine. 13 år gamle Naeem blei gjeng-valdteken av fire menn då han var 10 år gamal. No er han prostituert og ønsker enkelte dagar at han aldri blei fødd. "Alle" veit om det, men få gjer noko for å beskytte gutane. (Bad Things: The Rape of Pakistan's Boys)