Myanmar: Dømt for å ha krenka Buddha

Philip Blackwood (32) blir ført ut av rettssalen i Yangon sentrum. Saman med eigaren og ein lokal kollega ved VGastro bar, vart han dømt til fengsel for å ha krenka det viktigaste religiøse symbolet i Buddhismen, Buddha.

Lokka med billege drinkar på Facebook

Eit bilete av Buddha med øyreklokker på Facebook, som lokkar med billege drinkar, førte til sterke reaksjonar blant folk i Yangon.

Dei tre vart tiltalt for å krenke religiøse verdiar. For det må dei sone to år i fengsel. I tillegg vart dei dømde til eit halvt år med straffearbeid for å ha «brote reglementet til lokale styremakter».

Altså, dei vart haldne ansvarlege for demonstrasjonane som braut ut utanfor baren etter at det krenkande Buddhabildet vart lagt ut på Facebook. Blackwood nekta straffeksuld.

LES OGSÅ: Familiar kasta ut før kongebesøk i Myanmar

Orsaking ikkje nok

– Vi håpte at sunn fornuft ville vinne fram, sa faren til Blackwood, Brian Blackwood.

Faren fortel til nyheitsbyrået AFP, at bildet på Facebook vart sletta, og at sonen orsaka med ein gong han fann ut han hadde gjort noko gale.

– Han visste rett og slett ikkje at dette var ei så alvorleg sak i Myanmar. Han meinte ikkje noko vondt med det, fortel far Brian Blackwood til AFP.

Buddhistisk nasjonalisme på frammarsj

Underdirektør for Human Rights Watch i Asia, Phil Robertson vedgår til nyheitsbyrået Ap at trioen gjorde noko støytande, men at det er ein over-reaksjon å sende dei i fengsel.

– Dommen viser at ytringsfridomen er under større press enn nokosinne i Myanmar, samtidig som det no nærmar seg val i landet, seier Robertson til Ap.

Buddhistisk nasjonalisme har fått vind i segla i Myanmar etter at ekstreme munkeordenar som Wirathu har fått auka oppslutning. Dei står bak fleire angrep mot muslimar, spesielt i provinsen Rakhine.