Kronprinsparet på plass i Ghana

Det er den afrikanske suksessen kronprinsparet kom til Ghana for å sjå seint måndag kveld. Men dramatikken i nabolandet Elfenbenskysten tok merksemda.

Kronprinsparet blei helsa velkomne på ghanesisk då dei kom til Accra seint måndag kveld; akwabe!

Området rundt hotellet er dekorert med portrett av kronprins Haakon ved sidan av portrett av den ghanesiske presidenten. Det vekkjer merksemd i det vestafrikanske landet at nordiske kongelege kjem på besøk.

Bakgrunn: Kronprinsparet til Ghana

Les også: - En opplevelse å se Haakon pakke

Letta utviklingsminister

Nokre steg bak kronprinsparet kjem utviklingsminister Erik Solheim. Det er han som har fått med seg dei kongelege til hovedstaden Accra for å rette søkjelyset mot det vellukka afrikanske demokratiet, Ghana.

Fyrste kvelden i Afrika ville han likevel helst snakke om nabolandet Elfenbenskysten:

– Det var en enorm lettelse da Ghanas utenriksminister fortalte oss på flyplassen at Gbagbo er pågrepet. Like trygt og framgangsrikt som det er i Ghana, like grusomt har det vært de siste dagene i Abidjan, seier Solheim.

Han fortel at Norge så snart som mogleg opprette ein dialog med den valde presidenten, Ouattara, om kva Norge kan bidra med for å samle landet.

– Jeg vil reise til Abidjan så fort det overhodet er praktisk mulig å komme dit. Jeg vil reise med samme budskap som også Ghana har; at nå må Ouattara regjerer landet fra sentrum i politikken, at han rekker ut en hånd til alle som har støttet Gbagbo og at han husker at 46 prosent av befolkningen i Elfenbenskysten støttet Gbagbo.

Til Accra for å berge livet

Også Ghana er prega av konflikten og valden som har herja nabolandet dei siste vekene. Tusnar av ivorianarar har reist over grensa for å berge seg unna valden.

Ved uavhengighetsplassen i sentrum av hovudstaden møter vi ein familie som forlot Abidjan då kampane tok til for alvor.

– Eg reiste for å berge livet, seier Tony Bah.

– No bur eg hos syskenbarnet mitt. Men eg er bekymra for vennene mine i Abidjan, for jobben min, for huset mitt. Eg vil helst heim så fort som mogleg, seier Bah.

Avtale om oljesamarbeid

Kronprinsparet gjorde unna sin obligatoriske runde til alle som skulle handhelse, før dei hasta inn for å førebu seg til det offisielle programmet, som startar i morgon.

Då skal dei møte ghanesiske styremakter. Hovudtema er olje og gass. For suksesshistoria om Ghana opnar for tida eit nytt kapittel.

Utvinning av nyfunne olje- og gassforekomstar har nyleg starta på kysten vest i Ghana, berre eit steinkast frå urolege Elfenbenskysten.

Ghana vende seg til Norge for hjelp til å byggje opp oljeindustrien. I morgon skal kronprinsparet og utviklingsministeren kaste glans over markeringa av avtalen som sler fast at Norge og Ghana skal samarbeide om det dei kallar olje for utvikling.

Då legg utviklingsministeren det kaotiske afrika til side til fordel for det som fungerer.