Arrangementet, som er i regi av , vart straks stansa etter haiangrepet, og det blir ikkje fleire konkurransar i dag. Mick Fanning og konkurrentane var så vidt i gang med finalen då haiane gjekk til angrep.
Mick Fanning vart kasta av brettet då ein av haiane dunka bort i det.
– Eg kjende noko på leggen, og eg sparka for å få det vekk, slik at eg kunne kome meg unna. Då så eg haifinnane, og eg berre venta på å kjenne tennene, sa Fanning til Sky News Australia like etter den dramatiske hendinga.
Han fortalde at han greidde å få inn eit kraftig spark mot ryggen på haien.
– Han held fram med å kome mot brettet mitt og eg sparka og skreik. la han til.
Den tredoble verdsmeisteren vart kjapt berga opp av sjøen av hjelpebåtar saman med landsmannen Julian Wilson, som også hadde nærkontakt med haiane.
Jeffreys Bay, populært kalla J-Bay i surfemiljøet, ligg i den austlege Kapp-provinsen i Sør-Afrika.
