Ahmad Mofty har budd i Sverige i 25 år.
Foto: Mohammed Alayoubi / NRKFor tre veker sidan fekk Göteborg moske ein skremmande telefon.
– Vedkommande sa at moskeen vår kom til å sprengt. Vi har jo ungdom, kvinner og born her. Det er klart vi er redde, seier Ahmad Mofty, ein av leiarane i moskeen.
Berre i første halvdel av januar skjedde fire nye angrep på moskear, samt ei bombetrussel.
Mange meiner det heng saman med auka skepsis til den høge delen asylsøkjarar som kjem til landet. Berre i år er det venta om lag 100 000 flyktningar til Sverige.
- Les også:
Skuldar på Sverigedemokraterna
Ahmad Mofty kom frå Irak til Sverige for over 25 år sidan. Han seier haldningane til innvandrarar har endra seg mykje sida då.
– Vi merkar eit større hat mot innvandrarar. Og det å brenne moskear er vel ein måte å uttrykke slik misnøye på. Eg meiner det hatet har auka i takt med at dei ekstreme partia har kome inn i Riksdagen, seier Mofty.
Han siktar til det innvandringskritiske partiet Sverigedemocraterna, som gjorde eit brakval i haust.
– Folk stemmer på oss av ein grunn, seier Lars Hansson, som er nyvald kommunalråd i Göteborg.
Han tek imot oss i nytt kontor på rådhuset. Sverigedemocraterna set for fyrste gong i kommunestyret i Göteborg.
– Folk stemmer på oss fordi vi er dei einaste som torer å vere kritiske til innvandring. Og eg har ingenting imot innvandrarar eller muslimar, men det er kostnaden ved å ta imot så mange flyktningar eg er kritisk til. 100 000 er venta til Sverige berre i år, mange får bli. Det kostar jo enorme summar, som vi heller kunne brukt på skular og sjukehus, understrekar Hansson.
- Les også:
Artikkelen fortset under bildet.
Sverigedemokratarnas Lars Hansson med ein av sine egne valplakatar.
Foto: Mohammed Alayoubi / NRKTek imot flest i Europa
Saman med Frankrike og Tyskland er Sverige det landet i Europa som tek imot flest flyktningar.
Dørene til ein av Stockholms moskear blei tilgrisa med hakekors i januar i fjor.
Foto: STOCKHOLMS MOSKÈ / Stina Gullander / NTB scanpixDen tradisjonen skal landet halde fram med, understrekar kommunalråd i Malmö, Andreas Schönström frå regjeringspartiet Socialdemocraterna.
– Svenskar ynskjer å stille opp for dei som flyktar frå krig. Det er eg overtydd om.
Kvifor stemte då i underkant av 1 million svenskar på Sverigedemocraterna?
– Eg trur ikkje dei eigentleg stemte PÅ SD. Eg trur dei stemte MOT noko anna, seier Schönström.
