Framleis flaumfare i Australia

Flaumen i Australia har kravd minst eitt menneskeliv. Fleire hundre heimar og butikkar har fått skadar, og framleis er fleire tusen innbyggjarar evakuerte.

I småbyen St. George i delstaten Queensland måtte fleire enn 2500 innbyggjarar flykta i helga. Årsaka var frykt for at elva Balonne skulle gå over sine breidder og overfløyma byen. Evakueringa var den største nokon sinne i Queensland.

Ein provosorisk demning ser ut til å hindra at elva skal gjera store skadar, trass i at flaumtoppen truleg ikkje er nådd.

- Elva stig framleis, og når truleg toppen i dag. Det kjem til å ta nokre dagar før elva går skikkeleg attende, seier ein talsmann for eit meteorologisk byrå i Australia til nyheitsbyrået AFP.

Mellom 50 og 60 bygningar i byen skal ha blitt overfløymde.

Kan ta veker

St. George blei hardt råka av flaum også i fjor, då overfløymingar i delstatane Queensland og New South Wales tok livet av 35 menneske, øydela 30.000 heimar og vaska vekk vegar, bruer og jernbaneliner.

Det ser altså ut til at Australia slepp unna med mindre skadar denne gongen, men ifølgje meteorologar kjem nokre område til å vera råka av flaum i fleire veker framover.

Flaum i Australia - Moree i delstaten New South Wales er hardt råka av flaumen. Her frå 3. februar. - Foto: POOL / Reuters

Moree i delstaten New South Wales er hardt råka av flaumen. Her frå 3. februar.

Foto: POOL / Reuters

Fleire tusen isolerte

Også i byen Moree i delstaten New South Wales måtte innbyggjarar flykta frå vassmassane i førre veke. Ordføraren i Moree, Katrina Humphries, seier dei fleste no har kome attende.

For mange ventar likevel eit stort oppryddingsarbeid, og fleire har mista alt dei eigde i flaumen.

Samstundes er mange avsidesliggjande eigedomar i New South Wales isolerte. Det verst råka området ligg sør for Moree, i Wee Waa, der 2300 innbyggjarar er utan kontakt med omverda.

- Isolasjonen kjem truleg til å halda fram i fire til fem dagar, seier Murray Kear, som leier naudoperasjonar i delstaten.

Utvalgte dokumentarer

Japansk dokumentar. Kvar og når oppstod det første livet på jorda? Ein stor studie blei nylig starta for å løyse dette store biologiske mysteriet. Forskarane undersøker havområde djupare enn 1000 meter. Hydrotermiske opningar i havbotnen på desse djupa støyter ut vatn med temperaturar over 300 gradar. Teorien er at dette miljøet truleg er nesten det same som da livet blei til på jorda for fire milliardar år sidan. (Deep Sea Expedition - Searching for Life's Origin)
Hassan Dhuhulow kom til Norge da han var en ung gutt. I fjor deltok han i en brutal nedslakting av tilfeldige mennesker på kjøpesenteret Westgate i Nairobi. Minst 67 mennesker døde. Hva fikk Dhuhulow til å reise fra en rolig, norsk småby for å bli terrorist? Når ble han radikalisert? Vi har fulgt i hans fotspor, og møtt ofrene og de etterlatte i Nairobi.
Norsk dokumentar. Førstkommende søndag går 143 millioner brasilianere til valgurnene i den avgjørende omgangen i årets presidentvalg. Kampen står mellom venstresidens kandidat, president Dilma Rouseff, og sentrum-høyre-kandidaten Aecio Neves. Mye står på spill - også for norsk industri, som har investert store summer i Brasil.