Rapporterte om stormen - såg ikkje kjempebølgje

Ein fjernsynjournalist gjekk litt vel tett på då ho skulle rapportera om den tropiske stormen «Nanmadol» i Kina.

Video Kjempebølgje slo til under TV-sending

Ei 20 meter høg bølgje slo til under ei kinesisk TV-sending om den tropiske stormen Nanmadol.

Reporteren frå den kinesiske fjernsynskanalen CCTV var nære ved å få kjenna naturkreftene på kroppen då ho skulle informera sjåarane om den siste utviklinga av stormen.

Kvinna var ivrig etter å få eit så godt utsnitt som mogleg, og hadde stilt seg i strandkanten i turistområdet Haining i den austlege Zhejiang-provinsen.

Den ikkje-namngjevne journalisten rapporterte på direktesendt fjernsyn då ei 20 meter høg bølgje plutseleg reiste seg i bakgrunnen.

Monsterbølgja slo ned over ei sjødike, som dermed skåna journalisten for ein større støyt. Reporteren kom frå hendinga utan ei skramme - men forfjamsa og gjennomblaut.

Frå orkan i Taiwan til storm i Kina

Nanmadol blei nedgradert frå orkan til tropisk stom måndag, etter å ha gjeve både Filippinane og Taiwan hard medfart.

I helga tok uvêret 16 menneskeliv på Filippinane. Måndag mista ein motorsyklist livet i Taiwan, der store jordskred også sperra inne 300 menneske i ein landsby.

Orkanen etterlét seg også ein halvmeter med vatn som har overfløymt bustader, vegar og jordbruksland. Øydeleggingane er store i den vesle øystaten i Stillehavet.

TOPSHOTS-TAIWAN-WEATHER-TYPHOON -

Regnet etter orkanen Nanmadol hølja i går ned over Taiwan. Her fraktar foreldre borna sine frå ein barneskule i Checheng i den sørlege Pingtung-provinsen.

Foto: Chao Chang / Afp

Styrtregn i vente

Orkanen blei veikare før den slo inn over søraustkysten av Kina onsdag, opplyser det Nasjonale Metereologiske Senteret i Kina.

Nanmadol er den ellevte tropiske stormen som råkar Kina så langt i år.

Natt til onsdag brasa den inn over provinsen Fujian, med vindar opp i 72 kilometer i timen. Lokale media melder om store skadar på avlingane, men det er førebels ikkje meldt om alvorlege personskadar.

Etter at den blei nedgradert til ein tropisk storm, har styresmaktene oppheva alle åtvaringar og krisetiltak.

Flytrafikken ved dei to store flyplassane i provinsen går som normalt og skipsfarten vil også gå tilbake i ordinær drift innan kort tid. Meteorologane åtvarar om kraftig regn i heile regionen dei neste tre dagane, som ein etterverknad av stormen.

Stormen Nanmadol når Kina

Ein mann greidde berre å redda nokre få eigedelar då bustaden hans blei øydelagd i stormen som natt til onsdag kom inn over Kina.

Foto: STR / Afp

Utvalgte dokumentarer

Br. dokumentar. Den 23 år gamle medisinerstudenten Jyoti Singh ble brutalt voldtatt av seks menn på en buss i Dehli. Hun døde senere av skadene. Hennes fryktelige skjebne utløste sterke protester og gateopptøyer i India, og førte til endringer i loven. Singhs voldtektsmenn snakker ut mens de venter på å bli hengt. Deres verdier og tankesett speiler et skjevt patriarkalsk samfunn som ser på kvinner som annenrangs, og til og med uønsket. (Indias Daughter)
Norsk dokumentar. Konflikten mellom Israel og Palestina handler om at to folkeslag sier "mitt land" om det samme området. Vi møter to sterke kvinner, Fathie som måtte flykte til Libanon i 1948 og ønsker å få dø i sin hjemby Jaffa, og Susi som mistet sine foreldre i Auschwitz og ble smuglet ut av leiren og holdt skjult til krigen var slutt. Nå drømmer hun om en stat forbeholdt jøder. På en stillferdig måte gir filmen et innblikk i de grunnleggende motsetningene som gjør denne konflikten så komplisert. (My Homeland)
Dansk-tysk dokumentar. Dette er historien om hvordan Edward Snowden greide å slippe unna USAs etterretningstjeneste. Etter at han hadde utlevert flere hemmelige dokumenter enn noen gang tidligere i USAs historie, startet en omfattende menneskejakt. Hvordan var det mulig for Snowden å unnslippe? DR har fått unik adgang til å intervjue Snowden som fortsatt sitter i asyl i Moskva, Sarah Harrison fra Wikileaks som hjalp ham under flukten og hans far. Tidligere leder for National Security Agency, Michael Hayden, forteller om hvor mye som sto på spill for USA.