Cola mot tåregass i Egypt - Aktivistane i Egypt har lært av demonstrantane i Tunisia, og smører seg inn med cola for å verna seg mot politiet sin tåregass.Al Jazeera

Aktivistane i Egypt har lært av demonstrantane i Tunisia, og smører seg inn med cola for å verna seg mot politiet sin tåregass.

Foto: Al Jazeera

Egyptiske demonstrantar dynkar seg med cola

Demonstrantane i Egypt får tips frå sine støttespelarar i Tunisia om å hella cola over andleta sine for å beskytta seg mot politiet sin tåregass.

Medan innbyggjarane i Egypt framleis kjempar ein innbitt kamp for å styrta president Hosni Mubarak, har aktivistane i Tunisia langt på veg lukkast med å få til ei regimeendring.

No deler tunisarane erfaringar og tips for å hjelpa sine brødre i Egypt.

– Cola nøytraliserer gassen

På nettbaserte diskusjonsforum florerer det med tips, triks og kjerringråd som skal hjelpa mot opprørspolitiet sine mange metodar for å få has på uregjerlege aktivistar, opplyser den arabiske nyheitskringkastaren Al Jazeera.

Å gni andletet inn med leskedrikken cola, skal blant anna gje effektivt vern mot tåregass.

Tåregass er eit sterkt irriterande stoff som blant anna vert nytta til opprørskontroll. Om ein vert eksponert for tåregass, vil ein oppleva rennande auge, ei brennande kjensle på huda og irritasjon i slimhinner i nase og hals.

Ifølgje dei tunisiske aktivistane kan ein unngå dette ved hjelp av cola, fordi den syrlege drikken verkar nøytraliserande på gassen.

Video 4b4452eb-29a7-49e0-97d9-b088dfbb52a8.jpg - Foto: Nyhetsspiller /

Demonstrantar gnir seg inn med cola for å beskytta seg mot opprørspolitiet sin tåregass.

Elektronisk manifest

Cola-trikset er også nemnt i det elektroniske manifestet som no sirkulerer på e-post blant egyptiske aktivistar.

– I tillegg til å stilla krav om regimeendring, inneheld manifestet praktisk informasjon til demonstrantane. Å nytta cola mot tåregass er openbart ein ting dei har lært av sine støttespelarar i Tunisia, fortel Global Post-korrespondent Jon Jensen.

Utvalgte dokumentarer

Norsk dokumentarserie i tre deler. Professor Terje Tvedt har brukt det meste av sitt voksne liv til å forske på Nilen, elven som er livets åre for millioner av mennesker. Nilen renner gjennom elleve land hvor befolkningsvekst, ny teknologi og miljøendringer gjør kampen om vannet stadig mer desperat. I denne serien tar Tvedt en reise gjennom dette gigantiske elvesystemets historie og nåtid, i møte med mennesker og statsledere, fra utløpet i Middelhavet til den hvite Nilens kilde i hjertet av Afrika. (1:3)
Am. dokumentar. Politisk thriller om Sør-Afrikas siste apartheid-president. Frederik Willem de Klerk var en mystisk og svært sammensatt person som gjorde en fascinerende politisk reise. Han var presidenten som slapp Nelson Mandela fri fra fengsel, og fungerte senere som hans visepresident. (The Other Man - F.W. De Klerk and the End of Apartheid in South Africa)
Br. dokumentarserie. I løpet av seks hundre år hadde Det osmanske riket mange ulike leiarar. Rageh Omaar utforskar kontrastane mellom to av dei mest kjende sultanane. Det osmanske riket var eit av dei største og mektigaste imperia i verdshistoria. Vi følgjer utviklinga frå den spede byrjinga på 1200-talet til oppløysinga på midten av 1900-talet. (The Ottomans: Europe's Muslim Emperors) (2:3)