Video nsps_upload_2009_5_16_12_52_45_896.jpg - Foto: Nyhetsspiller /

Det var fleire born blant dei drepne i bombeeksplosjonen.

Born sprengde i lufta ved iskiosk

Fleire born vart drepne då ei bombe eksploderte utanfor ein iskremkiosk i Peshawar i Pakistan i dag.

11 menneske miste livet i angrepet, fleire av dei var kvinner og born, opplyser lokale tenestemenn.

Bomba gjekk av i ei travel handlegate i den tett befolka bydelen Kashkal i Peshawar.

Svært mange som har flykta frå kampane mellom pakistanske tryggingsstyrkar og Taliban har søkt tilflukt i denne byen.

Born drepne av bombe i Pakistan - 11 menneske vart drepne i eksplosjonen, fleire av dei born. - Foto: EVN /

11 menneske vart drepne i eksplosjonen, fleire av dei born.

Foto: EVN

Truleg Taliban

31 menneske vart såra, og tilstanden er kritisk for minst to av dei, opplyser ein lege ved det største sjukehuset i byen.

Rundt 17 bilar vart øydelagde i eksplosjonen.

Det er førebels uklart om det var ein sjølvmordsaksjon. Lokale styresmakter trur det var Taliban som stod bak bombeangrepet.

Angrepet kjem fem dagar etter at ein sjølvmordsbombar tok med seg 10 andre i døde ved ein militær kontrollpost sør for Peshawar

Offensiv i Swat

Den pakistanske hæren opplyste i dag at 47 Taliban-opprørarar er drepne dei siste 24 timane i offensiven som er sett i gang i Swat-dalen. Til saman er dermed over 1000 talibanar drepne i kampar sidan Pakistan innleidde offensiven sin sist månad.

Desse tala er ikkje stadfesta frå uavhengige kjelder. Det er også uklart kor mange sivile som er drepne i kampane.

Rundt ein million menneske skal ha flykta frå Swat-dalen for å kome unna kamphandlingane.

Talsmann for den pakistanske hæren, generalmajor Athar Abbas, seier at tryggingsstyrkane rykkjer stadig lenger inn i det Taliban-dominerte området, og at dei no nærmar seg den viktigste byen i Swat-dalen, Mingora.

Bombeeksplosjonen ramma ei travel handlegate i Peshawar. - Bombeeksplosjonen ramma ei travel handlegate i Peshawar. - Foto: EVN /

Bombeeksplosjonen ramma ei travel handlegate i Peshawar.

Foto: EVN
I alt 19 bilar vart øydelagde i eksplosjonen. - I alt 19 bilar vart øydelagde i eksplosjonen. - Foto: EVN /

I alt 19 bilar vart øydelagde i eksplosjonen.

Foto: EVN

(NRK-AFP)

Flere utenriksnyheter

Siste saker

Utvalgte dokumentarer

Japansk dokumentar. Kvar og når oppstod det første livet på jorda? Ein stor studie blei nylig starta for å løyse dette store biologiske mysteriet. Forskarane undersøker havområde djupare enn 1000 meter. Hydrotermiske opningar i havbotnen på desse djupa støyter ut vatn med temperaturar over 300 gradar. Teorien er at dette miljøet truleg er nesten det same som da livet blei til på jorda for fire milliardar år sidan. (Deep Sea Expedition - Searching for Life's Origin)
Hassan Dhuhulow kom til Norge da han var en ung gutt. I fjor deltok han i en brutal nedslakting av tilfeldige mennesker på kjøpesenteret Westgate i Nairobi. Minst 67 mennesker døde. Hva fikk Dhuhulow til å reise fra en rolig, norsk småby for å bli terrorist? Når ble han radikalisert? Vi har fulgt i hans fotspor, og møtt ofrene og de etterlatte i Nairobi.
Norsk dokumentar. Førstkommende søndag går 143 millioner brasilianere til valgurnene i den avgjørende omgangen i årets presidentvalg. Kampen står mellom venstresidens kandidat, president Dilma Rouseff, og sentrum-høyre-kandidaten Aecio Neves. Mye står på spill - også for norsk industri, som har investert store summer i Brasil.