Vart gift bort som eittåring - fekk ekteskapet annullert etter 17 år

Indiske Laxmi Sargara (18) vart gift bort då ho vart eitt år gammal. No har som første kvinne i India fått annullert eit barneekteskap.

Laxmi Sargara med beviset på et ekteskapet er oppløyst.

Laxmi Sargara (18) nekta å godta at ho vart bortgift som eittåring.

Foto: STR / Afp
Laxmi Sargara med beviset på et ekteskapet er oppløyst.

Laxmi Sargata med beviset på at barneekteskapet er oppløyst.

Foto: STR / Afp

Barneekteskap er ikkje lenger lovleg i India, men like fullt er det vanleg ein del stader i landet å inngå avtale om ekteskap medan borna er små. Slike ekteskap er vanlege på landsbygda og i fattige område, slik som i delstaten Rajastan.

Mannen Laxmi vart bortgift til er to år eldre enn henne.

Vaks opp hos familien sin

Laxmi Sargara har vakse opp hos familien sin på vanleg måte, og ho visste ingenting om at ho alt var gift før ganske nyleg. Då kom familien til mannen ho vart gift bort til som eittåring og ville hente henne heim til han. Ho skulle starte eit nytt liv saman med han ho vart gift med som eittåring.

Men Laxmi hadde bein i nasen og nekta å vere med på det.

– Eg ville ikkje gifte meg, sjølv om foreldra mine ville at eg skulle gjere det. Då søkte eg hjelp, seier ho til det franske nyheitsbyrået AFP.

Ho fekk hjelp hos ein frivillig organisasjon, The Sarathi Trust i byen Jodhpur.

For første gong

– Ho var deprimert. Ho likte ikkje guten ho var gift med, og ho nekta å gjere som foreldra sa, seier Kriti Bharti, som arbeider for Sarathi Trust. Ho fortel at dette er første gongen eit barneekteskap har blitt annullert.

– Vi håper at andre får inspirasjon av dette og gjer som Laxmi, seier ho.

Mannen ho var gift med, Rakesh, ville først ikkje oppløyse ekteskapet, men gjekk med på det etter samtalar med The Sarathi Trust.

Dermed kunne Laxmi og Rakesh saman underteikne eit dokument som oppløyste barneekteskapet i nærvær av notarius publicus i Jodhpur.

Vanleg i India

Narayan Bareth, ein journalist i delstatshovudstaden Jaipur, seier at ei fersk undersøking viser at 10 prosent at jentene i delstaten blir gifte bort før dei fyller 18 år.

FNs barneorganisasjon UNICEF opplyser at 40 prosent at alle barneekteskap i verda blir inngåtte i India, trass i at indiske styresmakter har gjort mykje dei siste åra for å få slutt på uvesenet.

LES OGSÅ: Anmeldt for barneekteskap i Oslo

LES OGSÅ: - Finnes ingen tvangsekteskap

LES OGSÅ: Barneekteskap anmeldt til politiet

LES OGSÅ: Barnebruder – en ulykkelig historie

Utvalgte dokumentarer

Fransk dokumentar. (It's hard beeing loved by Jerks)
Etter at det franske magasinet "Charlie Hebdo" publiserte Muhammed-karikaturene fra Jyllandsposten i 2006 , ble de stevnet for retten av flere muslimske organisasjoner. Denne filmen, som fikk enorm oppmerksomhet på filmfestivalen i Cannes i 2008, følger rettsaken og ble oppfattet som et massivt forsvar av ytringsfriheten. I dag er den en viktig dokumentasjon på de redaksjonelle valgene som førte til terrorangrepet 7. januar 2015.
Hvordan tjener Vatikanet sine penger og hvorfor finner vi prester anklaget for korrupsjon, hvitvasking av penger og fordekte donasjoner til prostitusjon? Historikeren og forfatteren John Dickie undersøker den katolske kirkes finanser og problemene med å tjene to herrer - Gud og pengene (Mammon).
Br. dokumentar. Dronningens lidenskaper har, ifølge butleren hennes, denne prioriteringen: hester, hunder, mann og barn. Denne dokumentaren viser for første gang det unike forholdet mellom Windsor-familien og deres elskede husdyr. (Royals & Animals)