Gløym gangsta rap! Gløym bling, bling...Dette er noko heilt anna...Dette er HARDINGRAP!
Alt frå fjortisar til bestemødre står og nikkar nakkar til Reflector sin musikk. Ganske unormalt når det gjeld hip- hop…eller er dette hip- hop? Sikkert ikkje viss du spør ein frå undergrunnsmiljøet…Men Reflector har laga sin eigen stil kalla Hardingrap. Ved å bruka lokal dialekt frå Jondal har Reflector synt at det ikkje berre er folkemusikk, sider og vakre fjordar og fjell som finst i Hardanger!
I slutten av 2004 fann Reflector ut at det er jo heilt unormalt å laga rap på Harding dialekt. DIFOR gjorde han det, og la planane om engelskspråkleg rap på hylla. Heile greia var eigentleg meint som ein spøk, men etter kvart vart det meir seriøst. Vel... ikkje meir enn at det vert utført med sterk sjølvironi og glimt i auga!
Våren 2008 vart Reflector Band etablert og består av:
Øyvind Sollesnes- Rap, vokal, dj
Guro Flatabø Joakimsen- Vokal
Svein Olav Espeland- Gitar
Anders Tuvin- Bass (ny bassist våren 2010)
Lars Håvard Birkenes- Slagverk
Hausten 2008 starta arbeidet med Hardingrap- EP og den vart sleppt 28. november same året. Dette er resultatet av målretta arbeid mot noko som ein gong begynte som ein spøk...
På plate ligg Reflector i landskapet mellom hip- hop og pop, mens live saman med bandet har ein satsa på eit litt anna lydbilete der ein er innom både reggae, hip- hop og rock.
Fredag 15. april sleppte Reflector sin aller siste song kalla "Siste Vers"