Postet: FREDAG, 15 APRIL, 2011
Siste Vers er på nett!
Hei folkens! Då er den aller siste songen til Reflector som enkelt og greit er kalla for "Siste Vers" lagt ut her på Urørt for gratis nedlasting. Guro er med og bidreg på denne songen som er produsert av Ansane Beats i Canada og pre-produsert og innspelt av Alvin Vestrheim i Lyd i Løo Studio.
Håpar at de vil lasta den ned og at de likar den! Som tidlegare annonsert så legg Hardingrapparen Reflector opp "karriera" no.
Sidan den spede start i 2004 har det vore ei utruleg reise og eg har fått oppleva mykje, mykje meir enn eg hadde drøymt om då eg starta med å rappa på Jondaldialekt- noko som i fyrste omhang var meint som spøk- men som utvikla seg til å verta noko meir ut av!
Tusen takk til alle eg har samarbeida med:
Bjørn Otto i Wallcon Lydstudio i Ålvik, Haakon og Stian i Hyperklikk Vokalstudio i Fyllingsdalen, Alvin i Lyd i Løo Studio i Øystese, rapparen Andreas aka Delario.
Bandet mitt: Svein Olav, Anders, Lars Håvard og Guro + Sigmund som takka av som bassist i begynnelsen av fjoråret og Arild B. Nielsen som var med som gjesteartist på trompet på ein magisk konsert i Jondal i fjor sommar.
Tusen takk til alle arrangørane som har latt Reflector og etterkvart bandet få sleppa til på både små og store scener.
Sist men ikkje minst: Tuuuusen takk til fansen som har støtta meg og gjort dette mogleg!!! Eg set uendeleg stor pris på dykk.
Og til alle andre som eg har gløymt: Mange tusen gonger takk til dykk og!
Med beste helsing frå Reflectoren
Posta av REFLECTR klokka 09:44
Postet: TIRSDAG, 11 MAI, 2010
Meir musikk lagt ut for nedlasting!
Har i dag lagt ut dei 4 hovudspora på Hardingrap- EP som vart gitt ut hausten 2008:
"Hardingrap, Lyden av Reflector, Draumen og Ditt Val" finn du nedst på sida.
Posta av REFLECTR klokka 21:22
Postet: TIRSDAG, 16 FEBRUAR, 2010
Gullgravar lagt på nett
Reflector hadde ein fantastisk dag i studio i går i "Lyd i Løo" hjå Alvin Vestrheim i Øystese. Med seg i bagasjen var ein beat produsert av amerikanske Jrum Beatz og den vart co-produsert i løo. Spela inn vokal og miksa ferdig songen i går. Resultatet "Gullgravar" kan i dag høyrast her på Urørt sida mi ved å lytta eller lasta ned songen.
Reflectoren
Posta av REFLECTR klokka 10:40
Postet: ONSDAG, 09 SEPTEMBER, 2009
Ny versjon av 5627 lagt ut
Den fyrste versjonen av "5627" er i kveld fjerna frå sida og erstatta med ein nymiksa versjon som har betre rap/ vokallyd.
Posta av REFLECTR klokka 00:10
Postet: FREDAG, 04 SEPTEMBER, 2009
5627 lagt ut på nett!
Reflector og Guro har denne veka vore i Reflector Studio i Jondal og spela inn songen 5627, som er ein hyllest til Jondal. OP Beats frå Finland har levert endå ein feita beat! Resultatet kan høyrast og lastast ned her. Håpar de likar det :)
Posta av REFLECTR klokka 01:28
Postet: FREDAG, 08 MAI, 2009
Ny song frå Reflector og Guro
Reflector og Guro var i Hyperklikk Studio på tysdag og spela inn ein ny song kalla "Lukka". Tusen takk til Haakon for god produksjon og miks. Tusen takk til The Composers i Florida, USA for gratis beat. Dette betyr at du kan lasta den gratis ned her på Urørt!
Posta av REFLECTR klokka 12:39
Postet: ONSDAG, 25 JUNI, 2008
Bånn Gass lagt ut på nett
Reflector og Guro har vore i Hyperklikk Vokalstudio og spela inn songen Bånn Gass! Resultatet kan høyrast her!!!
Reflector
Posta av REFLECTR klokka 20:11
Postet: TORSDAG, 30 MARS, 2006
Ny musikk frå Reflector
30.03.06.:
Var i Wallcon Lydstudio i Ålvik og spela inn ein rap/ song som heiter "Min Stil"
Resultatet kan du høyra her på Urørt.
Posta av Reflector klokka 23:27