Lyd er eit lite band med store tankar og solbriller. Orkesteret er frå Arna, og består av Feelbad Bente, Dixie Dive, Berta Flurp og Ekkofisk. Dei er kanskje liten av vekst og stundom beskjeden av adferd, men dei har ættituden på plass. Lyd vart skipa hausten 2005 då dei deltok på eit Samspelkurs i regi av AKKS. Sidan den gong har det balla på seg med blant anna Eggstockfestival og ulike oppvarmingsjobbar. Lyd spelar rock and roll rett frå levra. Dei likar å spele konsertar, og har tross sin unge alder spelt veldig mange. Når Lyd spelar konsert spelar dei ekstra fort, og stoppar ikkje for nokon ting. Trommisen er ein energibunt av dei få, som ser ut som ho skal drepe for kvart slag ho slår. Ellers blir det som regel gode vitsar, dansing, munnspel, ein hes vokalist og sikkert meir til. Men det er ikkje godt å seie på førehand.