– Me har bestemt oss for å overgi oss, seier general Godefroid Niyombare, som har vore fremste leiar for kuppforsøket til nyheitsbyrået AFP.
– Eg håper dei ikkje kjem til å drepe oss, legg Nioymbare til, og viser til dei delane av militæret som er lojale til presidenten.
Det var aller først general Cyrille Ndayirukiye som sa til AFP at kuppmakarane ikkje klarte å overvinne dei delane av militæret som støtter president Pierre Nkurunziza.
– Personleg så innser eg at vår kupprørsle har feila, seier Ndayirukiye.
No har resten av leiarane bak kupper innsett nederlaget og gitt seg.
- LES OGSÅ:
Presidenten seier han er i Burundi
Det var general Godefrois Nioymbare som var den øvste leiaren for kuppet. Han sa på tysdag at kuppet var gjennomført og presidenten var avsett, men det har sidan vore stille. President Nkurunziza har derimot gjort det klart at han ser på kuppforsøket som mislukka.
På Twitter skriv han at han er tilbake i Burundi, etter å ha vore på eit regionalt toppmøte i Tanzania då kuppforsøket skjedde. Førebels er det ikkje stadfesta frå andre kjelder at presidenten er tilbake i heimlandet.
Det var på onsdag general Nioymbare melde på direktesendt radio at presidenten var avsett. Det heile førte til stor jubel i gatene i Burundis hovudstad Bujumbura, men det førte også til skyting og kampar mellom to ulike fraksjonar av militæret.
- LES OGSÅ:
Vil ikkje kjempe til siste slutt
Torsdag haldt kampane fram, og det har særleg vore harde kampar rundt lokala til landets kringkastar og andre radiostasjonar. I går var gatene i Bujumbura tomme og dei fleste haldt seg heime i frykt for ei valdeleg eskalering.
General Ndayirukiye seier at kuppmakarane ikkje har planar om å kjempe til siste slutt, og kjelder i politiet seier at nokre av kuppmakarane er arresterte, medan andre har flykta.
- LES OGSÅ:
President Nkurunziza har tidlegare gjort det klart at kuppmakarane kjem til å bli stilte til ansvar i retten for sitt forsøk på å destabilisere Burundi.
Det herskar framleis full forvirring i Burundi. Dei fleste radiokanalar har blitt stengde det siste døgnet, og informasjonen som kjem er vanskeleg å verifisere.
Presidenten vil sitte lengre
Det har vore frykt for at kuppforsøket kan føre til ei valdeleg eskalering i eit land som kom ut av ein borgarkrig for berre ni år sidan. Det har lenge vore hutuar mot tutsiar, og over 300.000 menneske er drepne i krigen som herja Burundi i fleire tiår.
Bakgrunnen for kuppforsøket var president Nkurunziza si avgjerd om å stille til val i juni. Ifølgje landets grunnlov og ein fredsavtale som er inngått kan ein president berre sitte i to periodar.