Mårhund - Denne mårhunden skal radiomerkast. - Foto: Karl Brøndbo/SNO /

Denne mårhunden skal radiomerkast.

Foto: Karl Brøndbo/SNO

Mårhund skal avsløre artsfrendar

Mårhunden som blei fanga på Leka skal brukast til å leite fram fleire artsfrendar.

– Det finst ingen andre dyr eller menneske som er flinkare til leite fram andre mårhundar, enn mårhunden sjølv, seier prosjektleiar i Direktoratet for naturforvaltning (DN), Erik Lund, til NRK.

Første gong i Noreg

I helga blei det for første gong fanga ein levande mårhund her i landet. Dyret blei fanga i ei burfelle i Gutvik i Leka kommune i Nord-Trøndelag.

Mårhunden skal steriliserast og radiomerkast før den slepp fri igjen. Direktoratet for naturforvaltning håper den vil avsløre om det finst fleire dyr av same art i Leka-området.

– Vi ønskjer å få ein oversikt over om det finst fleire individ i dette området. Viss vi får merka dette dyret, vil det mest truleg oppsøke artsfrendar så fort som muleg, seier Lund.

Ingen invasjon

Mårhund, også kalla vaskebjørnhund, er eit rovdyr i hundefamilien på storleik med ein raudrev. Den er uønsket i Noreg fordi den ikkje høyrer til i norsk fauna.

For to år sidan blei det skote og påkøyrd fire mårhundar i Hattfjelldal. Mårhunden som blei fanga i helga kjem truleg aust frå.

– Vi har førebels ingen invasjon, men vi har hatt ein del enkelttilfelle dei siste åra. Det betyr at vi har veldig lite dokumentasjon på at det faktisk er fleire enn eitt individ, seier Lund.

Takkar lokalfolket

Direktoratet for naturforvaltning (DN) er avhengig av hjelp frå lokalbusetnaden for å avsløre mårhundar i Noreg.

– Om folk ser mårhundar, ber vi dei melde frå til den lokale rovviltkontakten, slik at vi kan få sjekka det ut. Utan folk i Gutvik si interesse og pågang hadde vi ikkje lukkast i å kome så langt i arbeidet, seier Tore Solstad, regionansvarleg i Statens Naturoppsyn for rovvilt i Nord-Trøndelag, til NRK.

Det er tillatt å jakte på mårhund året rundt sidan den er en uønska art.

Midtnytt på 60 sekunder

Her presenterer Grete Thobroe mandagens viktigste nyheter på 60 sekunder.

TV-saker

Forsvaret stiller med dynamitthunder for å klarere områder hvor det har vært brukt sprengstoff.
Studenter og lærere ved NTNU har fortsatt tro på ei framtid i oljebransjen. Til tross for innskrenkninger akkurat nå, tror de det tar seg opp igjen. Dermed blir det igjen bruk for sivilingeniører.
Forsvaret stiller med dynamitthunder for å klarere områder hvor det har vært brukt sprengstoff.
Studenter og lærere ved NTNU har fortsatt tro på ei framtid i oljebransjen. Til tross for innskrenkninger akkurat nå, tror de det tar seg opp igjen. Dermed blir det igjen bruk for sivilingeniører.
Lene Maria Bergum ble drept på Utøya i 2011.
Den 17-år gamle jenta hadde et spesielt engasjement for verdens fattige, og for foreldrene har det vært viktig å føre denne arven videre. Derfor måtte de dra på en flere dager lang vandring.