Fylkesmannen i Troms har innvilga 21 søknadar om tildeling av Regjeringa sin minnemedalje for heiderleg innsats under 2. verdskrig. Når det i år er 70 år sidan frigjeringsdagen, er det mange krigsheltar i heile landet som skal ta imot heider i form av ein medalje.
Det er 20 personar i Troms som skal ta imot medalje, og fleire av mottakarane er over 100 år. Den eldste av dei, Arne Berg Eriksen, er fødd i 1913, og er dermed 102 år.
Alle dei som mottar medalje, er i live. Av desse er 19 menn og ei kvinne.
- Sjå heile oversikta heilt nederst i saka!
Lokalsamfunn får medalje
I tillegg til dei 20 personane som mottar medaljen, får også lokalsamfunnet Mefjordvær på Senja medalje.
– Vi fekk førespurnad frå ordføraren i Berg kommune om heile bygda kunne få minnemedalje, fordi det ikkje er så mange overlevande igjen som opplevde krigshandlingane, fortel Grete Marie Didriksen hos Fylkesmannen i Troms:
– Heile samfunnet stilte opp for å skjule etterretningsagentane. Det var som ein slags dugnad for heile bygda.
Det er kommunane som skal dele ut medaljane i ulike markeringar av frigjeringsdagen, og Troms-kommunane har fleire arrangement for å markere frigjeringsjubileet.
På medaljen står det «Noreg takkar deg for innsatsen 1939 – 1945».
- Les også:
- Les også:
- Sjå oversikt over alle medaljemottakarane her:
