Dei sette noregsrekorden i isbading i 2012, med 171 badande, som seinare blei slått av fleire. I dag satsa dei friskt på å ta verdsrekorden.
395 isbadere, nokon med nisselue, hev seg i det kalde vatnet på Olavsberget camping i Porsgrunn søndag ettermiddag.
Ein ny noregsrekord var dermed sett. Den gamle rekorden var det 324 badere som stod for i Larvik i februar.
Hadde med telt og badstu
Desember har så langt vore mild, men det spørst om alle ville dratt på seg bikiniar og badebukser likevel. Klokka 13.15 søndag forsøkte entusiastar frå Brevik i Telemark å samle nok badeglade folk til ein verdsrekord av det kalde slaget.
– Vi har telt med halm, mobile badstuer og alt på plass, seier Thor Kamfjord. Han er ikkje med på at isbading er ein dryg hobby.
– Etter badet er det digg, kroppen blir varm og systemet ditt blir restarta, seier han.
Minst 1800 måtte ut i vatnet
Den noverande noregsrekorden sette Petter Stordalen og vennar ved Farris Bad vinteren 2015 med 324 som bada.
– Den grusar vi glatt, seier arrangør Jan Erik Parr frå Pommery Isbaderklubb.
Den eksisterande verdsrekorden, som dei prøvde å slå, blei sett i Polen i mars 2015. Den er på 1799 personar som bada. Målet for folket i Brevik var 2000 personar som bada.
Det gjekk ikkje heilt. Finteljinga viste at 395 deltok i rekordforsøket. Det vart ny norsk rekord til Telemark. Igjen.