Det er felthurtigskytinga og stangskytinga som avgjer kven som er raskast.
Felthurtigskyting går ut på å treffe tre ulike figurar på tre ulike avstandar på kortast mogeleg tid. Skyttaren må stå og ha geværkolben i bakken når det blir kommandert eld. Då kastar han seg ned og begynner å skyte.
Stangskyting - eigentleg oberst Georg Stangs minneskyting - går ut på å treffe to blinkar flest mogeleg gongar på 2 x 20 sekund.
På NRK1 og nrk.no i kveld kan du følgje finalene.
Etter den innleiande skytinga deler John Olav Ågotnes og Nils Bernt Råde førsteplassen i stangskytinga med 27 treff. Geir Hauge, Hans J. Løkesmo og Trond Glidje deler tredjeplassen med 26 treff.
På felthurtigskytinga - populært kalla "stuper'n" - er det Tynset-skyttaren Roger Nilsen som er i teten med 7,77 sekund på dei tre blinkane. Trond Glidje på andreplass har 7,85 og Roy Håkestad 7,97.