Svensk OL-håp dopingtatt

– Idrettskarieren er øydelagd, seier bronsevinnaren frå årets EM.

Mads

Mads Günther, her i bronsefinalen i EM 2012, er dopingtatt før OL.

Midt i oppkøyringa til OL-kvalifiseringa har den svenske brytaren Mathias Günther blitt tatt i doping.

25-åringen tok bronse i EM tidlegare i år – no blir han fråteken medaljen og sannsynlegvis utestengd frå alle konkurransar i to år.

– Eg verken kan eller vil skulde på nokon andre enn meg sjølv. Dette er heilt og haldent mitt eige ansvar, og akkurat no føler eg at eg har øydelagd idrettskarrieren min, seier Günther til Helsingborgs Dagblad.

– Fekk tablett frå kamerat

I førre månad slo Günther til med ein overraskande EM-bronse i 66-kilosklassen. Dermed kunne det svenske publikum notere endå eit medaljehåp framfor dei olympiske leikane i London.

Günther var på veg mot siste hinder før OL då sjokkbeskjeden kom torsdag morgon: Under ein månad før OL-kvalifiseringa i bryting ryk svenskens draum om å konkurrere i London.

A-prøven han gav under EM i Serbia viste seg nemleg å vere positiv.

Svensken fortel at han pådro seg ei skade bare dagar før EM. Foten hovna opp, og ifølgje Günther sjølv løyste han problema med å ta ein tablett.

Medikamentet fekk han av ein kamerat, seier brytaren.

– Eg tenkte aldri at dette kunne vere eit forbode preparat. Ikkje ein gang då eg blei kalla inn til dopingkontroll.

Artikkelen held fram ...

Mathias

Her er svenske Günther på veg mot EM-bronse. Bare veker etter triumfen blir han fråteken medaljen og moglegheita for å kvalifisere seg til OL.

Foto: IVAN MILUTINOVIC / Reuters

Med tårer i auga framfor lagkameratane

Günthers B-prøve er enno til analyse, men brytaren er sjølv innstilt på å bli utestengd i to år – og dermed miste OL-kvalifiseringa om nokre veker.

I tillegg vil han bli fråteken EM-medaljen.

Det svenske landslaget i bryting var i gang med oppkøyring til OL-kvalifiseringa i Bulgaria då dopingbeskjeden kom onsdag 28. mars.

Ein sjokka Mathias Günther måtte då forklare seg framfor heile troppen, før han sidan reiste heim frå treningsleiren i Ukraina.

– Han fortalde sin versjon av det heile. Han bad heile laget om orsaking med tårer i auga. Han har, som han sa, øydelagd idrettskarrieren, seier landslagssjef Benni Ljungbäck til Expressen.

Siste nytt

  • Baseballstjerne dopingtatt igjen

    Jenrry Mejia (25) fra baseballaget New York Mets er tatt for doping for annen gang denne sesongen. Han må sone en utestengelse på 162 kamper. Utestengelsen er like lang som den Alex Rodriguez fra New York Yankees måtte sone i fjor, Major League Baseballs lengste suspensjon for doping.

     Jenrry Mejia
    Foto: Jim McIsaac / Afp
  • Bradys suspensjon opprettholdt

    Tom Brady ble utestengt i fire kamper for å ha visst om at støtteapparatet til New England Patriots manipulerte lufttrykket i ballene. Utestengelsen ble tirsdag opprettholdt av ledelsen i National Football League (NFL). Spillerorganisasjonen varsler at de vil anke.

    Tom Brady
    Foto: LUCY NICHOLSON / Reuters
  • Sparka ein dag etter finalesiger

    Mexicos landslagssjef Miguel Herrera fekk tysdag sparken. Nyheiten kjem eit døgn etter at suksesstrenaren blei skulda for å slå ein TV-reporter. Mexico vann Gold cup søndag, på veg heim skal Herrera ha slått journalisten på flyplassen i Philadelphia.

    Miguel Herrera
    Foto: Matt Rourke / Ap

Sendeplan

Kl. Program Kanal