– Ja, det er fare for at sesongen er over, seier hans trener Bart Schouten til avisa De Telegraaf.
Det er ein bratt nedtur for mannen som for to veker sidan sette ein sensasjonell verdsrekord på 10.000 meter med tida 12.36,60.
Uhellet skjedde under oppvarminga før lagkonkurransen. Skøyta til ein av lagkameratane kom bort i beinet til Bloemen, som fekk eit djupt sår i leggen. Bloemen måtte bærast av bana.
Såret blødde sterkt, og det låg att ei raud stime på isen då han vart frakta til sjukehus.
Bloemen er opprinneleg nederlendar, men har kanadisk slekt og fekk kanadisk statsborgarskap.
