– Etter ei fantastisk tid i USA er det på tide å reise tilbake til Noreg for ei tid. Men eg vil kome tilbake, melder Rugland på Twitter.
Nordmannen blei kjend langt utanfor landegrensene etter at han publiserte ein YouTube-video med namnet «Kickalicious» i september 2012.
Snart eitt år etter at videoen blei publisert har den blitt sett over fem millionar gonger.
Då videoen blåste opp, og blei plukka opp av både norsk og utanlandsk media, enda det opp med at den tidlegare NFL-kickeren Michael Husted inviterte han til USA for å trene.
I desember i fjor fekk han først prøvespele for New York Jets, før han i mars i år fekk trene med både Cleveland Browns og Detroit Lions. I april blei han signert av Lions der han har konkurrert med rutinerte David Akers om kickerplassen.
24. august blei Rugland droppa av Lions. Den siste tida har det blitt spekulert om Green Bay Packers ville signere nordmannen, men i dag melder han altså at han reiser heim til Noreg.
– Eg vil sjå Lions dominere denne sesongen, rundar nordmannen av med på Twitter.
Det har ikkje lukkast NRK å få kontakt med Håvard Rugland på telefon.
- Les også:
- Les også: