Alexandrov - Den amerikanske svømmaren Michael Alexandrov uttrykte sorg til New York Times etter Dale Oens dødsfall. - Foto: EZRA SHAW / Afp

Den amerikanske svømmaren Michael Alexandrov uttrykte sorg til New York Times etter Dale Oens dødsfall.

Foto: EZRA SHAW / Afp

– Eg er verkeleg heilt knust. Han var ein stor mann. Eg såg på han som favoritten til å vinne OL-gull i London, seier den amerikanske svømmaren Michael Alexandrov om Alexander Dale Oen til New York Times.

Slike sitater florerer i media etter Dale Oens plutselege dødsfall tysdag morgon (norsk tid).

Eitt av Norges store OL-håp blei funnen livlaus på badet på sitt eige hotellrom i Flagstaff, Arizona. Svømmeyndlingen blei bare 26 år gamal.

Historia blir fortald verda over.

NBC: USAs trenar i sorg

New York Times skriv om amerikanske Alexandrov som hyller stjerna Dale Oen. Han studerte nordmannens svømmeteknikk via Youtube.

Den amerikanske TV-kanalen NBC brukte fleire minutt av nyheitssendinga til å sende reaksjonar etter at dødsmeldinga kom tysdag.

– Eg kan bare forestille meg kor forferdeleg det må vere for familien, trenarane, andre folk han har vore i kontakt med og heile landet generelt, sa USAs svømmetrenar, Frank Busch, til NBC.

– I eit lite land rører det alle fordi det er så langt mellom gigantane. Når dei får ein stor og lovande utøvar som Dale Oen, må det vere vanskeleg å takle ein slik tragedie, la Busch til.

Aftonbladet: «Løfta norsk svømming ut frå intet»

Dagen etter dødsbodskapen får Dale Oen også merksemd i store aviser.

«Dale Oen døydde brått,» skriv den spanske sportsavisa Deportivo Mundo.

På ei heilside er nordmannen avbilda like etter det imponerande VM-gullet var sikra i fjor.

I svenske Aftonbladet skriv journalisten Simon Bank om sitt møte med svømmaren:

Ein glad og leiken gut, dei gangane eg møtte han. Ein av dei som løfta norsk svømming ut frå intet. Ein treningsnarkoman. Ein verdsmeister.

Simon Bank, Aftonbladet

På Twitter kjem kondolansane konstant frå mikrobloggteneste-brukarar verda rundt.

VIDEO: ALEXANDER DALE OEN (1985-2012)

Video Alexander Dale Oen (1985 - 2012) - Foto: Nyhetsspiller /

Alexander Dale Oen (1985 - 2012)

Internasjonale forbund kondolerer

Dale Oen - Ei heil idrettsverd kondolerer etter Alexander Dale Oens dødsfall. Her er norsk idretts kondolanseprotokoll på Toppidrettssenteret i Oslo. - Foto: Øijord, Thomas Winje / NTB scanpix

Ei heil idrettsverd kondolerer etter Alexander Dale Oens dødsfall. Her er norsk idretts kondolanseprotokoll på Toppidrettssenteret i Oslo.

Foto: Øijord, Thomas Winje / NTB scanpix

Det internasjonale svømmeforbundet (FINA) kondolerer til Alexander Dale Oens familie og venner etter dødsfallet. På nettstaden sin skriv forbundet at det sender medkjensle til norsk svømmesport.

– FINA deler sorga med heile det norske svømmemiljøet og sender dei djupaste kondolansar til familien og venene hans, heiter det i uttalen.

Alexander Dale Oen døde i USA måndag kveld lokal tid. Der var han på treningssamling saman med det norske landslaget.

Det europeiske svømmeforbundet (LEN) minnest også nordmannen. Forbundet omtalar bortgangen som eit tragisk tap for svømmesporten.

– Norge og ei heil svømmeverd minnest ein verkeleg hardtarbeidande konkurransemann, som i ei allereie strålande karriere var på veg mot høgdepunktet i London i juli. Han vil for alltid vere ein ekstraordinær meister, skriv LEN.

Dale Oen tok sølv på 100 meter bryst i Beijing-OL i 2008 og vart verdsmeister i same øving i Shanghai i fjor.

Han dediserte VM-gullet til dei heime i Noreg etter terrorangrepa 22. juli.

– Overfor media og fans viste han seg som ein modig og ærleg utøvar, som gav ein varm hyllest til landsmennene sine frå bassengkanten, skriv Det internasjonale svømmeforbundet.

VIDEO: – Ingen teikn til noko unormalt med Dale Oen (saka held fram)

Video 2b08cc00-d0b3-43e2-a709-379e3306d5dc.jpg - Foto: Nyhetsspiller /

- Ingen tegn til at det var noe unormalt med Oen

(NRK/NTB)