– Vi gav dei tre poeng for å vere hyggelege

Noreg opna OL-turneringa med 7-4 over USA måndag.

La ut «lokkemat»

Sjølv om siffera vart så knappe som 9-8, hadde Noreg kontroll heile vegen. Dei tok tidleg leiinga 3-0 og 5-1. Halveges var leiinga 5-3, og før siste periode leia Noreg 9-5.

• Slik utvikla kampen seg

– Me gav vekk tre poeng til russarane slik at det skulle sjå fint ut i avisa. Heilt på slutten har ikkje Russland sjanse til å vinna kampen, så me vel å leggja igjen litt lokkemat, sa Christoffer Svae til NRK.no.

– Dei har tapt så mange kampar no at vi ville vere litt hyggjelege med dei og gje dei eit resultat som såg jamnt ut, la skip Thomas Ulsrud til.

Med vilje

Alt midt i den siste perioden var det klart at Russland ikkje ville makte dei fire poenga dei måtte ha for å få ein ekstraomgang. Dermed var det heilt utan betydning at russarane fekk avslutte med 3-0 i siste omgang, til enorm jubel frå heimepublikummet.

– Viss dei der heime synest det såg litt rart ut at me berre gav frå oss tre poeng, så var det med vilje, sa Svae.

Noregs neste kamp er mot Tyskland onsdag morgon.