Den raskaste mannen i verda spring då den første individuelle konkurransen i sesongen. Det skjer i heimlandet på nasjonalstadion i Kingston, Jamaica.

- Eg er skadefri og klar. All jobb dreier seg om å forsvara titlane mine i OL. Eg gjer alt eg kan for å halda meg unna skadar, og eg legg inn den tøffe treninga til rett tid, seier Bolt.

Det er meldt klarver og gode forhold laurdag. Dermed ligg det an til eit toppløp der Bolt truleg møter Nesta Carter, Richard Thompson, Lerone Clarke, Dexter Lee, Michael Frater, Darvis Patton og Daniel Bailey.

Det er også ein liten sjanse for at Asafa Powell vel 100 framfor 200 meter laurdag.

Bolt siktar mot tredobbelt gull i OL til sommaren (100, 200 og 4 x 100 meter), akkurat som i Beijing for knapt fire år sidan. Før det spring han mellom anna i Bislett Games i juni.

Jamaicanaren sesongopna i ein stafett for nokre veker sidan. Dette er verdsrekordane til Bolt: 9,58 (100), 19,19 (200) og 37,04 (4 x 100).

(NPK-NTB)