Etter den første omgang var ho nummer 11 etter eit løp som ikkje var heilt optimalt. Det var ho sjølv misnøgd med.
– Eg må berre ta skikkeleg tak. Eg har ikkje råd til slike slurvefeil om eg vil stå på pallen. Eg veit at eg kan, men no driv eg og saboterer litt for meg sjølv, flirte sunnmøringen.
– Igjen gjorde eg ein feil i første omgang. Eg blei litt passiv etter det, men så køyrde eg bra igjen nedst i bakken. Førsteomgangen var ikkje i nærleiken av det eg har gjort på trening, vurderte Løseth overfor NTB.
Men i finaleomgangen fekk ho det til. Med tredje beste tid køyrde ho seg opp til femteplassen, 1,24 sekund etter vinnaren Marlies Schild.
Nest beste slalåm-plassering
Schild køyrde seg frå sjetteplass til siger i andre omgang. Ho tok dermed sin verdscupsiger nummer 35 i slalåm. Det er det ingen som har klart før. Vreni Schneider klarte i si tid 34.
Det er Løseths nest beste slalåmplassering i verdscupen nokosinne. I går hadde ho karrierebeste i storslalåm med sin niandeplass.
Mikaela Shiffrin leia etter første omgang, men klarte ikkje å forsvare førsteplassen. Ho vart nummer to, 41 hundredelar bak vinnaren.
Tyske Maria Höfl-Riesch og franske Marie-Michelle Gagnon plasserte seg også framfor Løseth, som var 61 hundredelar frå pallen.
Mona Løseth køyrde ut i første omgang.
