Silje Norendal - Silje Norendal (18) er klar for sitt første X Games i Aspen, USA. - Foto: Ole John Hostvedt/Laagendalsposten /

Silje Norendal (18) er klar for sitt første X Games i Aspen, USA.

Foto: Ole John Hostvedt/Laagendalsposten

Desse fryktar Norendal før X Games-finalen

Ho er handplukka til konkurransen ho har fantasert om heile karrieren. Fredag køyrer stortalentet Silje Norendal sitt aller første X Games.

– Eg har drøymt om å konkurrere i USA sidan eg var fem år gamal. Det var utruleg stort å få invitasjonen, ein utruleg god kjensle, seier Norendal til ESPN framfor X Games i Aspen, USA.

Norges største snowboardtalent på kvinnesida er endeleg der ho har jobba knallhardt for å komme.

Fredag skal ho måle seg mot verdas aller største snowboardnamn i verdas største slopestylekonkurranse for kvinner.

– Eg har begynt å gle meg veldig!, fortel 18-åringen.

Dette er Siljes favorittar

Bare 17 år gamal tok ho sølv under European X Games i fjor. Etter nokre månaders sesongoppkøyring i USA er det klart for dette årets første store prøve.

I X Games møter ho mellom andre Jamie Anderson som tok gullet då Norendal måtte nøye seg med 2. plass under European X Games i fjor.

I tillegg ventar andre storkanoner for 18-åringen.

– Ei jente som blir vanskeleg å slå er definitivt Enni Rukajarvi. Ho landar dei triksa ho vil lande, seier Norendal.

– I tillegg er det Jamie Anderson og Spencer Bryan. Dei køyrer også veldig bra for tida. Dei er i fyr og flamme, og blir vanskelege å slå, seier ho.

Saka held fram!

Norendal - Silje Norendal, amerikanske Jamie Anderson og Finlands Enni Rukajarvi kunne juble på podiet i European X Games i fjor. Fredag møtes dei igjen. - Foto: JEAN-PIERRE CLATOT / Afp

Silje Norendal, amerikanske Jamie Anderson og Finlands Enni Rukajarvi kunne juble på podiet i European X Games i fjor. Fredag møtes dei igjen.

Foto: JEAN-PIERRE CLATOT / Afp

Ikkje som dei andre jentene

Snowboard - Spencer O'Brien er ei av Norendals podiefavorittar framfor X Games-finalen i slopestyle. - Foto: Arno Balzarini / Ap

Spencer O'Brien er ei av Norendals podiefavorittar framfor X Games-finalen i slopestyle.

Foto: Arno Balzarini / Ap

Interessa rundt stortalentet blir bare større med deltakinga i X Games. Og med VM i vente kan Norendal raskt bli den nye jenta alle snakkar om i snowboardsirkuset.

– Silje er i verdstoppen. Ho har triks som dei fleste jenter ikkje tar, seier trenar Per Iver Grimsrud.

Også landslagssjef Thomas Harstad har følgd eleven seie utvikling dei siste åra, og er overbevist om at ting kan klaffe godt under dei to største konkurransane denne sesongen.

– Om ho køyrer like målretta som ho har gjort til no, trur eg ho absolutt kan vere ein av favorittane både i X Games og VM, seier Harstad.

– På ein god dag kan Silje hevde seg heilt i toppen, men ho er her først og fremst for å lære, legg han til.

VIDEO FRÅ ARKIVET: Silje tar nye steg med gutane

Video Silje trener med gutta - Foto: Nyhetsspiller /

Silje trener med gutta

– Ho må bli tøffare

Men framleis har jenta frå Kongsberg ein del å gå på for å bli suveren i slopestylebakken, meiner landslagssjefen.

– Ei av utfordringane til Silje er å ta steget eit hakk opp. Ho må bli litt tøffare, få betre fysikk og ikkje vere redd for å ta sjansar og det å skade seg, seier Harstad.

Men det rår tydeleg liten tvil om at jenta har komme for å bli i eliten. Og om det ikkje lukkast i konkurransen fredag, får ho ein ny sjanse under VM på heimebane om knappe tre veker.

– Ho kan lett få ein pallplassering der, sa landslagskjøyrar Roger Kleivdal (23) til NRK.no tidlegare denne sesongen.

PS! Silje Norendal vil etter konkurransen heidre tidlegare lagvenninne Sarah Burke som døydde etter eit fall på trening tidlegare i januar. OL-vinnaren i fristil blir fredag minna med fakkeltog under verdas største actionsportfestival i Aspen.

Siste nytt

  • Kristin Skaslien - Foto: CLAUS FISKER / Afp
    Foto: CLAUS FISKER / Afp

    De norske kvinnene vant B-puljen

    De norske curlingkvinnene med Kristin Skaslien som skip gikk til topps i B-puljen i curling-EM fredag. Ungarn ble slått 10-6 i finalen. Med suksess i mesterskapet er damene klare for opprykk til A-puljen i neste års EM i danske Esbjerg.

  • James Rodriguez - Foto: DANIEL GARCIA / Afp
    Foto: DANIEL GARCIA / Afp

    FIFA-nominerte til årets fotballag

    Midtbane: Alonso, Schweinsteiger (Bayern München), Di Maria (Man United), Fàbregas, Hazard (Chelsea), Xavi, Iniesta (Barcelona), Kroos, Modric, James Rodríguez (Real Madrid), Özil (Arsenal), Pirlo, Vidal, Pogba (Juventus), Toure (Manchester City).

  • Sævarsson - Foto: Hommedal, Marit / NTB scanpix
    Foto: Hommedal, Marit / NTB scanpix

    Sævarsson til Hammarby

    Etter seks sesonger i Bergen forlater den islandske backen Brann til fordel for nyopprykkede Hammarby i Sverige. Ifølge spillerens agent reiser Sævarsson til Sverige på tirsdag, hvor han skal gjennomgå legeundersøkelsen.

Sendeplan

Kl. Program Kanal
V-cup hopp: 1. omgang
V-cup hopp stor bakke 1. omgang
V-cup hopp: 2. omgang
V-cup hopp stor bakke 2. omgang