Juryen peika på at klubben har utmerka seg på ei rekke område, mellom anna innen haldningsskapande og integrerande arbeid.
– Hjarteleg takk. Det er ei stor ære å få denne prisen og ein utruleg ispirasjon til vidare arbeid i klubben. Vi må takke alle støttespelarar både innan det private og offentlege, sa styreleiar Bjørn Aage Johansen som tok i mot prisen på vegne av klubben i operahuset i Oslo.
Kolstadjakka
Kolstad Fotball har gjennom tretti år hatt ein sentral posisjon i bydelen Saupstad i Trondheim. Bydelen rommar førti nasjonalitetar og klubben har drive oppsøkande arbeid både i barnehagar og på SFO.
– 17 timar i veka møter vi ungane på skulen. Vi treff dei etter skulen og har organisert trening på kveldstid, samt kampar i helga, seier Frank Lidahl som er lokalsamfunnsutviklar på Kolstad.
Han legg til at den finaste jakka ungane syns dei har, er nettopp Kolstadjakka.
– Ungane snakkar saman fordi dei har noko til felles, seier Lidahl.
(Artikkelen held fram under bildet)
Opp i 2. divisjon
Kolstad Fotball rykte etter denne sesongen opp i 2. divisjon. Dei vann kvalifiseringa mot Charlottenlund og er tilbake på nivå tre etter to sesongars fråver.
Dette er:
Prisutdelar Ole Gunnar Solskjær kjenner godt til klubben.
– Eg tapte mot denne klubben som smågutt og har tapt mange kampar mot dei, sa Ole Gunnar Solskjær då han delte ut prisen.
I takketalen framheva Kolstad alle innbyggarane.
– Vi har verdas beste bydel og verdas beste fotballlag, sa styreleiar Bjørn Aage Johansen i Kolstad Fotball.