«Høyesterett har sett helheten og rettferdigheten seiret!».
Slik reagerte NISO-leiar Joachim Walltin på Twitter etter at dommen frå Høgsterett var kjend.
– Dette er ein historisk dag for alle norske idrettsutøvarar og arbeidstakarar på mellombelse kontraktar, seier NISO-leiar Joachim Walltin til NRK.
– Høgsterett har sagt klart ifrå
Bakgrunn for saka er klubbens store økonomiske problem i 2009, kor klubben måtte gå til oppseiing av spelarar. I utgangspunktet var det fem spelarar som måtte gå. Tre av dei godtok nye kontraktar på 50 prosent.
– Høgsterett har no sagt klart ifrå om at arbeidstakarar ikkje kan seiast opp i kontraktsperioden om det ikkje er avtalt i kontrakten, seier NISO-leiar Joachim Walltin til NRK.
Fotballklubben må også betale 514 612 kroner i sakskostnader for dei to spelarane innan to veker.
Det va NISO som på vegner av tidlegare keeper Terje Reinertsen og midtstoppar Jukka Hakkala som reiste saka mot klubben.
VIDEO FRÅ ARKIVET: Terje Reinertsen og Jukka Sakari Hakala i retten
Den oppsagde NFK-keeperen Terje Reinertsen stålsette seg under første runde i Høgsterett.
Spelar-advokaten: – Større sikkerheit
Også Terje Reinertsens advokat i saka, Anne-Lise Henriette Roland, er nøgd med dommen til Høgsterett.
– For fotballspelarar generelt betyr dette at sikkerheiten no blir mykje større i forhold til kontraktane dei får. No må klubbane etterleve avtalane, og får ikkje like lett for å seie opp tilsette utøvarar, seier advokat Rolland.
Eksperten: – Vil ha betydning for all idrett
Advokat og fotballagent Gunnar-Martin Kjenner seier at dette var en viktig dom som skaper presedens for liknande saker i framtida.
– Eg trur at en dom frå Høyesterett som er så prinsipiell som i denne saka, vil ha en helt avgjerande betydning for liknande saker i framtida, fram til arbeidsmiljøloven blir forandra. Ikkje bare når det gjelder fotball, men all lagidrett, seier han til NRK.no.
Notoddens advokat: – Uklarheitene må ryddast opp i
Dommen kom som eit sjokk på Notoddens advokat, Lars Holo.
– Eg er særs overraska over utfallet. Eg hadde rekna med at oppseiingane stod seg, seier Holo.
Han forklarar at Norges Fotballforbund no må endre alle mellombelse kontraktar i norsk fotball.
– Når Høgsterett har tolka regelverket til fotballforbundet på denne måten, må Fotballforbundet gå inn i dommen, sjå på den og endre sine standardkontraktar. Punktene rundt oppseiing må tydeleggjerast på ein heilt annan måte enn slik dei står i dag. Det er ein uklarheit i desse gjeldande standardkontraktane dei må rydde opp i, seie Holo.
