Unitedcity - Manchesters City-fans har alltid vore skråsikker på at dei har flest fans i byen. Det har aldri fotballhovudstadens United-supporterar funne seg i.

Manchesters City-fans har alltid vore skråsikker på at dei har flest fans i byen. Det har aldri fotballhovudstadens United-supporterar funne seg i.

– Vi har meir av alt. Fans i byen, titlar og hooligans

MANCHESTER (NRK.no): Like før serieslutt er Manchesters evige fotballspørsmål om kva lag som har flest fans i byen blitt høgaktuelt. – Nokon burde undersøke dette skikkeleg på nytt, meiner forskar.

Hans Henrik Løken i Manchester

City-fan - På ein loslitt pub i Manchester sit City-blodfan Alan Potter. Han verkar meir sikker på at City-fansen er flest i byen enn at dei lyseblå allereie har sikra seriegullet i England. - Foto: Hans Henrik Løken / NRK

På ein loslitt pub i Manchester sit City-blodfan Alan Potter. Han verkar meir sikker på at City-fansen er flest i byen enn at dei lyseblå allereie har sikra seriegullet i England.

Foto: Hans Henrik Løken / NRK
Giggs - Ryan Giggs viser fram Premier League-troféet til hordar av United-fans. Dette året ligg alt an til at han kjem heim til ein blåfarga by etter at United har spelt siste seriekamp i Sunderland. - Foto: NIGEL RODDIS / Reuters

Ryan Giggs viser fram Premier League-troféet til hordar av United-fans. Dette året ligg alt an til at han kjem heim til ein blåfarga by etter at United har spelt siste seriekamp i Sunderland.

Foto: NIGEL RODDIS / Reuters
Ferguson - Ein City-fan med stikk til Uniteds manager, Alex Ferguson, etter FA-cuptriumfen i 2011. Snart vil same mann truleg juble for eit endå større trofé. - Foto: PAUL ELLIS / Afp

Ein City-fan med stikk til Uniteds manager, Alex Ferguson, etter FA-cuptriumfen i 2011. Snart vil same mann truleg juble for eit endå større trofé.

Foto: PAUL ELLIS / Afp
– Det blir heilt enormt om vi tar ligatittelen. For mange vil det bli den største dagen i livene deira, seier City-fanatikaren Alan Potter, og ser lengselsfullt ut i rommet på stampuben Mother Macs i Manchester sentrum.

Etter år med raud Manchester-feiring over Premier League-pokalar, meisterligatrofé og diverse cuptitlar han klar for at byen hans skal eksplodere i blått.

Med siger mot Queens Park Rangers sundag kan nemleg Potters kjære Manchester City røve sitt første Premier League-trofé frå byrivalen sidan 1968, og fansen storme bygatene dei lenge har påstått at dei er flest i.

Og i den samanhengen dukkar den evige bykonflikten opp: Stemmer det eigentleg at det bur fleire City-fans enn United-supporterar innanfor bygrensene?

– Ingen tvil. Det som seier noko anna veit ikkje kva dei snakkar om, meiner Potter, som har følgd den rivande utviklinga i fotballbyen sidan slutten av 50-talet.

Prøvde å avlive myten

Dei raude har kanskje verdas største fanskare til å byte på å stadig fylle heimebanen Old Trafford, som ligg utanfor bygrensa, men City-fansen verkar ikkje til å ville gje seg på byen stort sett er lyseblå.

Likevel ser påstanden ut til å bli slått brutalt ned av både fakta og synsing frå fotballfagfolk.

Sist for to veker sidan, då Manchester Evening News publiserte ei undersøking som skulle avdekke kor dei ulike supporterane budde.

Avisa hadde då fått publikum til å melde inn kven dei støtta, og kva adresse dei hadde. Nokre tusen tok del i undersøkinga.

Og slik ein tolkar avisas raude og blå bykart, er United-fansen mykje sterkare representert enn dei som elskar hatklubben City.

– 80/20 fordeling i favør United

FourFourTwo-journalist og United-tilhengjar Andy Mitten er definitivt med på slå ned City-fansens hovering når desse tala blir tema.

– Det dei blå seier er nonsens. Det er mange fleire United-fans. Eg vil tru det er ein 80/20-fordeling i favør United over heile byen, seier Mitten, som for helga har droppa å opphalde seg i Manchester, og reist til sin andre heim i Barcelona.

– Vi har rett og slett meir av alt. Fleire fans i byen, høgare tilskodarsnitt, fleire titlar og til og med fleire hooligans, legg han til, og forklarar med dette eksempelet:

– Du kan bare sjå på då vi tok heim Champions League-troféet i 1999. Over 200 000 menneske kom for å sjå trofeet. Dei reiste ikkje langvegsfrå for å sjå på klubben vise fram ein pokal frå ein buss i Manchesters gater. Dei var frå denne byen, seier Mitten.

Media jagar etter svaret
Adam Brown - Forskar Adam Brown var truleg den første som gjorde ei skikkeleg undersøking på myten om at det bur flest City-fans i Manchester.

Forskar Adam Brown var truleg den første som gjorde ei skikkeleg undersøking på myten om at det bur flest City-fans i Manchester.

Like sikker er ikkje mannen som har forska på det betente temaet.

I 2002 valde fotballinteresserte Adam Brown ved Manchester Metropolitan University å gjennomføre ei omfattande undersøking for å finne ut kven som hadde mest sesongkorthaldarar innanfor bygrensene.

– Vi gjekk ut frå at jo større mengd sesongkorthaldarar klubbane hadde, jo fleire supporterklubb-medlemmar og fans hadde dei. Undersøkinga viste at United-fansen er flest i byen, seier Brown.

NRK.no møter han på jobb i forskingsfirmaet Substance i Hilton street, ti år etter at undersøkinga starta.

Han fortel at han dette året stadig vekk har blitt kontakta av aviser om temaet, og har måtta børste støvet av sin gamle forskingsrapport.

– Eg blir heimsøkt av fortida, spøkjer den imøtekommande engelskmannen.

Til media fortel han at han er bombesikker på at fordelinga raude og blå i byen har endra seg, men anar ikkje til kva.

– Sidan då har nok dette endra seg drastisk. Den gangen hadde City-fans rundt 16 000 sesongkorthaldarar. Det må minst vere det doble no.

– Men det blir alt for vanskeleg å seie noko om korleis fordelinga er i dag, seier Brown, som meiner at Manchester Evening News si undersøking ikkje er særleg vitskapleg.

Brown: – Klubbande har endra seg radikalt

Og nettopp det at byrivalane har endra gjør at Brown sitrar etter å sjå nokon gjøre ei slik undersøking på ny.

– Då vi gjorde dette intervjua vi både City- og United-fans. Det interessante var at City-fansen påpeikte at dei var den ekte Manchester-klubben, mykje fordi dei ikkje hadde seld sjela si eller blitt kommersialisert. United-fansen applauderte klubbens kommersielle suksess, men ville ha ein sterkare byidentitet, seier Brown engasjert over rapportane han sit med.

– No er klubbane blitt endra ganske radikalt. Manchester City har byta stadion, og plutseleg blitt verdas rikaste klubb med stort stjernelag. Manchester United har på si side stor gjeld.

Han meiner det er spanande å sjå nærare på korleis desse situasjonane, saman med tilflytting og fråflytting, kan ha endra fotballbiletet i storbyen.

Les meir under biletet.

Manchester United - Manchester United-fansen møtte mannsterkt opp då klubben tok sit 19. ligagull i fjor. - Foto: SCOTT HEPPELL / Ap

Manchester United-fansen møtte mannsterkt opp då klubben tok sit 19. ligagull i fjor.

Foto: SCOTT HEPPELL / Ap

– City vil vekse seg større, men United vil alltid vere størst

Men uansett om City-fansen er fleire eller færre: Klubben er uansett på god veg mot sitt første ligatrofé på 44 år, og vil garantert skape furore innanfor bygrensene om dei går vinnande ut av siste serierunde.

City-blodfan Potter har allereie begynt å sjå forbi den potensielle feiringa, og håpar byen skal kunne markere større blå bragder allereie neste sesong.

– Min største drøm er om fansen i denne byen, kor vi er fleire enn United-fansen, får oppleve eit meisterligatrofé, seier ein emosjonell Potter.

Det verkar også uvisst kor langt City-suksessen kan gå. Mykje tyder på at stjernegalleriet går ei lys tid i møte.

Likevel er journalisten Andy Mitten sikker på at Manchester United vil vere størst både innanfor og utanfor Manchester i overskodeleg framtid.

– Folkets tilknyting til Manchester United vil gå i arv i generasjonar. Manchester vil alltid vere størst i og utanfor byen. Men City-skaren vil vekse seg større, dei også, meiner han.

Fotballnyheter

Videoklipp

Det er krisestemning i Brann, men klubben nekter å gi opp.
Hvis bergenserne taper på søndag, rykker de rett ned.
I dag forsøkte Richard Norling seg med et oppvaskmøte.
Kampen mot Sogndal kan bli avgjørende for Branns plass i eliteserien.

Oppvaskmøte i Brann

Det er krisestemning i Brann, men klubben nekter å gi opp. Hvis bergenserne taper på søndag, rykker de rett ned. I dag forsøkte Richard Norling seg med et oppvaskmøte. Kampen mot Sogndal kan bli avgjørende for Branns plass i eliteserien.

Sammendrag runde 28: Sarpsborg 08 - Stabæk

Sammendrag runde 28: Sarpsborg 08 - Stabæk

Sammendrag runde 28: Sarpsborg 08 - Stabæk

Sammendrag runde 28: Rosenborg - Sandnes-Ulf

Sammendrag runde 28: Rosenborg - Sandnes-Ulf

Sammendrag runde 28: Rosenborg - Sandnes-Ulf

Sammendrag runde 28: Viking - Aalesund

Sammendrag runde 28: Viking - Aalesund

Sammendrag runde 28: Viking - Aalesund