– Han er i troppen, og vi utelukkar ikkje at han speler. Viss han er på banen kjem han til å spele «skitbra», seier Stabæks trenar Jørgen Lennartsson til NRK.

Stengel bli skjerma

Svensken meiner Stengel ikkje har latt seg påverke av bråket rundt overgangsavtalen til Stabæk og Vålerenga, der det blei kjend at dei to klubbane hadde inngått ein opsjonsavtale om den 16 år gamle spelaren.

– Han blir skjerma frå media før oppgjeret, men er altså med i troppen mot Lillestrøm, seier Lennartsson.

Kan bli straffa

Overgangssaka om Veigar Páll Gunnarsson og Herman Stengel blir no etterforska av fotballforbundets påtalenemnd. Dei har som oppgåve å avgjere kva saker som skal gå vidare til forbundets doms- og sanksjonsutval.

• LES OGSÅ: Stabæk og Gunnarsson kan få straff

Om klubbane blir funnen skuldige, vil det vere nærliggjande for NFF å ileggje bøter, men det er vanskeleg å seie kva straffa frå NFF skulle bli.

I tillegg kan både det internasjonale og det europeiske fotballforbundet (FIFA og UEFA) sanskjonere på vegne av den franske klubben Nancy.

• LES OGSÅ: Fotballagent: – Slike avtalar kan vi ikkje ha